شىمكەنتتە باۋىر الماستىراتىن دەنساۋلىق نىسانى پايدالانۋعا بەرىلدى

قازاقستان رەسپۋبليكاسىنىڭ تۇڭعىش پرەزيدەنتى كۇنى مەرەكەسىنە وراي، پايدالانۋعا بەرىلگەن دەنساۋلىق ساقتاۋ نىسانىنىڭ اشىلۋ راسىمىنە وبلىس اكىمى جانسەيىت تۇيمەبايەۆ قاتىسىپ، بارشا مەديتسينا سالاسىنىڭ قىزمەتكەرلەرىن قۇتتىقتادى.

جاڭا نىسان 2 جىلدا سالىنىپ، ىسكە قوسىلىپ وتىر. دەنساۋلىق ساقتاۋ مەكەمەسىنىڭ ءبىرىنشى قاباتىندا اكىمشىلىك، قابىلداۋ جانە زەرتحانالىق- دياگنوستيكالىق بولىمدەرى ورنالاستىرىلسا، ەكىنشى قاباتىندا پالاتالار مەن رەانيماتسيا ءبولىمى بار. ال، ءۇشىنشى قاباتتا 7 بلوكتان تۇراتىن وتا جاساۋ ءبولىمى مەن بۇيرەك پەن باۋىر الماستىراتىن گەپاتوپانكرەاتوبيلارلىق حيرۋرگيا ءبولىمى ورنالاستىرىلعان. ەمدەلۋشىلەر ءۇشىن دە ستاتسيوناردا قوسىمشا 45 توسەك- ورىن قاراستىرىلعان.

ايتا كەتەيىك، شىمكەنت قالالىق جەدەل مەديتسينالىق كومەك كورسەتۋ اۋرۋحاناسى قالا جانە وبلىس حالقىنا تاۋلىك بويى حيرۋرگيا، جاراقات، ۋرولوگيالىق، نەيروحيرۋرگيالىق، گينەكولوگيالىق، نيەۆرولوگيالىق جانە تەراپيالىق سالالار بويىنشا ەمدىك شارالارىن جۇرگىزەدى. مەكەمە مانداندىرىلعان جانە جوعارى مامانداندىرىلعان جەدەل جانە جوسپارلى مەديتسينالىق كومەك كورسەتەتىن كوپسالالى ستاتسيونار بولىپ تابىلادى. مۇندا كۇندەلىكتى 200-250 ناۋقاس مەديتسينالىق كومەككە جۇگىنەدى. ورتا ەسەپپەن ولاردىڭ 70-90 اۋرۋحاناعا جاتقىزىلادى. ەمدەۋ مەكەمەسى بويىنشا جىل سايىن جۇيەلى تۇردە ەمدىك ءىس- شارالاردىڭ يننوۆاتسيالىق، جوعارى تەحنولوگيالىق ادىستەرى وندىرىسكە ەندىرىلۋدە.

جالپى، وسى جىلى وبلىس بويىنشا 38 دەنساۋلىق ساقتاۋ نىساندارىنىڭ قۇرىلىسىنا وبلىستىق بيۋدجەتتەن 3,8 ميلليارد تەڭگە قارالىپ، قۇرىلىستارى جۇرگىزىلىپ وتىر. ونىڭ 34 نىسانى جىل سوڭىنا دەيىن تاپسىرۋ جوسپارلانعان.

اۆتور: اينۇر اقبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى