نۇرسۇلتان نازاربايەۆ قاڭتاردا ا ق ش- قا بارادى
دەپ حابارلايدى «قازاقپارات» ح ا ا ءتىلشىسى.
«ستراتەگيالىق سەرىكتەستىك اياسىندا ا ق ش اتىنان قازاقستانعا كەلىپ وتىرعانىما شىن جۇرەكتەن قۋانىشتىمىن. ق ر سىرتقى ىستەر ۆيتسە- ءمينيسترى ەرجان اشىقبايەۆقا العىس ايتا وتىرىپ، ا ق ش قازاقستانعا ورتالىق ازيانىڭ عانا ەمەس، الەمدىك ارەنادا كوشباسشى ەل رەتىندە قارايتىنىن ەرەكشە اتاپ وتكىم كەلەدى. قاڭتار ايىندا قازاقستان ب ۇ ۇ- نىڭ قاۋىپسىزدىك كەڭەسىنىڭ ءتوراعالىعىن قابىلدار الدىندا استاناداعى كونفەرەنسيا اياسىندا جانە ۆاشينگتوندا ءبىز ارىپتەستەرىمىزبەن بىرلەسە جۇمىس جۇرگىزۋدى اسىعا كۇتىپ وتىرمىز. وسىلايشا، الەمدى قاۋىپسىز ەتە ءتۇسۋدىڭ جولدارىن قاراستىرامىز. ءبىز سونىمەن بىرگە، قازاقستان پرەزيدەنتى نۇرسۇلتان نازاربايەۆتىڭ قاڭتار ايىندا اقش- قا ساپارىن اسىعا كۇتىپ وتىرمىز. ساپار ءساتتى بولار دەگەن سەنىمدەمىز»، - دەيدى ا ق ش وكىلى.
ونىڭ ايتۋىنشا، بۇگىنگى كەزدەسۋ بارىسىندا بىرنەشە ماسەلەلەر تالقىلانعان.
«اتاپ ايتقاندا، اۋعانستان مەن كورەياداعى شيەلەنىستى رەتتەۋ، سونىمەن بىرگە دايش- تىڭ ءبىرجولاتا جەڭىلگەنىنە كوز جەتكىزۋ ماسەلەلەرىن قاۋزادىق. بۇگىنگى كەزدەسۋ بارىسىندا قازاقستان مەن ا ق ش اراسىنداعى ساۋدا- ساتتىق پەن ينۆەستيتسيا، مادەنيەت پەن ءبىلىم سالاسىندا قارىم- قاتىناستى كۇشەيتۋ جولى قاراستىرىلدى. ءبىزدىڭ ەلدەرىمىزدىڭ ءتىلىن مەڭگەرۋ ءبىر- ءبىرىمىزدىڭ مادەنيەتىمىزدى تەرەڭ تۇسىنۋگە مۇمكىندىك بەرەدى. سونداي- اق، مەن ءبىزدىڭ ەلشىلىكتىڭ قازاقستاندىقتارعا اعىلشىن ءتىلىن ۇيرەنۋ ءۇشىن رەسۋرستاردى كوبەيتۋدى قولعا الىپ جاتقانىنا قۋانىشتىمىن»، - دەيدى ەليس ۋەللس.
ا ق ش وكىلى، سونىمەن بىرگە، ۆاشينگتون قازاقستاندى جوعارى باعالايتىنىن اتاپ ءوتتى.
«26 جىلدىق سەرىكتەستىك ءۇشىن سىزدەرگە زور العىس ايتا وتىرىپ، قازاقستان رەسپۋبليكاسىنىڭ تۇڭعىش پرەزيدەنت كۇنىن جاقسى اتاپ وتۋلەرىڭىزدى تىلەيمىن»، - دەپ ءتۇيدى ءسوزىن ەليس ۋەللس.
اۆتور: ايان بەكەن ۇلى
