ەلباسىنىڭ بەلارۋس رەسپۋبليكاسىنا ساپارى تۋرالى ۆيدەوروليك جاريالاندى
ايتا كەتەيىك، كەشە ق ر پرەزيدەنتى مينكىگە رەسمي ساپارى اياسىندا بەلارۋس پرەزيدەنتى الەكساندر لۋكاشەنكومەن شاعىن قۇرامداعى كەلىسسوزدەر وتكىزدى.
«وسى جىلداردىڭ ىشىندە ءبىز سىزبەن بىرگە دوستىق پەن ىقتىماقتاستىقتىڭ قۋاتتى ەكونوميكالىق، ساياسي بازاسىن قالىپتاستىردىق. قيىن جاعدايدا ءسىز، الەكساندر گريگوريەۆيچ ەلىڭىز ءۇشىن كوپ ءىس تىڭدىردىڭىز. بەلارۋس دامىعان ناعىز ەۋروپالىق ەلگە اينالدى»، - دەدى نۇرسۇلتان نازاربايەۆ.
سونداي-اق، ەلباسى ەكى ەلدىڭ كوپتەگەن سالالارىن قامتيتىن قۇجاتتارعا قول قويدى.
«بۇگىن كوپتەگەن قۇجاتتارعا قول قويىلدى. ولاردىڭ ىشىنەن مەن 2026 -جىلعا دەيىنگى الەۋمەتتىك- ەكونوميكالىق ىنتىماقتاستىق تۋرالى شارتتى ايرىقشا بولە اتاپ وتەمىن. ونىڭ كەشەندى سيپاتى ەكى ەلدىڭ ىنتىماقتاستىعى ءۇشىن جاڭا ستراتەگيالىق باعداردى ايقىندايدى. ەڭ باستىسى بىزدە ورتاق نيەت، ورتاق كوزقاراس بار. ءبىزدىڭ سەرىكتەستىگىمىز بەن مۇددەلەستىگىمىز ەكى مەملەكەت پەن حالىق ءۇشىن بىرتىندەپ، ارتا تۇسۋدە»، - دەدى قازاقستان پرەزيدەنتى بەلارۋس پرەزيدەنتىمەن كەلىسسوزدەردەن كەيىنگى بىرلەسكەن مالىمدەمە بارىسىندا.
