داريعا نازاربايەۆا ق ر تۇڭعىش پرەزيدەنتى كۇنىن قالاي اتاپ وتەدى
سەناتتىڭ جالپى وتىرىسىنان كەيىن تىلشىلەر سەناتوردان ق ر تۇڭعىش پرەزيدەنتى كۇنى مەن الداعى دەمالىس كۇندەرىن قالاي وتكىزەتىنىن سۇرادى.
«وتباسىمەن جانە تابيعات اياسىندا اتاپ وتكەن ءجون. بيىل وسى مەزگىلدە اۋا رايى دا وتە جاقسى بولىپ تۇر. ياعني استانادا كۇزدىڭ بۇل كۇندەرى ءوزىنىڭ جىلى لەبىمەن ەرەكشەلەنۋدە. سونىمەن قاتار قار دا از ءتۇستى. اتاپ ايتقاندا، بالالارىڭمەن، ءوزىڭنىڭ تۋعان-تۋىسقاندارىڭمەن كوبىرەك بىرگە بولۋعا تىرىسۋ كەرەك. سونداي-اق تابيعاتقا شىعۋعا كوڭىل بولگەن دۇرىس، سەبەبى وسىنىڭ بارلىعى ادامعا كۇش-قۋات بەرەدى ءارى كوڭىل-كۇيدى سەرپىلتەدى»، - دەدى ول.
وسى ورايدا سەنات دەپۋتاتى وتباسىلىق قاتىناستار مەن دەنساۋلىقتى ناعايتۋ ءۇشىن الداعى دەمالىس كۇندەرىن ۇتىمدى پايدالانۋعا كەڭەس بەردى.
«بارلىق قازاقستان حالقىن الداعى مەرەكە كۇنىمەن قۇتتىقتايمىن!»، - دەدى داريعا نازاربايەۆا.
