قازاقستاندا كاسىپكەرلىك ەڭ جاقسى دامىعان وڭىرگە «حان ءتاڭىرى» سىيلىعى بەرىلەدى
قوعامدىق كەڭەس وتىرىسى ۆەدومستۆو باسشىسى تيمۋر سۇلەيمەنوۆتىڭ توراعالىعىمەن ءوتتى. كەزەكتى كەزدەسۋ بيزنەستى جۇرگىزۋدىڭ جەڭىلدىگى جونىندەگى وڭىرلەردىڭ رەيتينگىن ەنگىزۋگە ارنالدى.
ۇلتتىق ەكونوميكا ۆيتسە-ءمينيسترى سەرىك جۇمانعارين وتىرىسقا قاتىسۋشىلاردىڭ الدىندا نەگىزگى بايانداما جاسادى. ول مەملەكەت باسشىسىنىڭ تاپسىرماسىن ورىنداۋ ءۇشىن ق ر ۇلتتىق ەكونوميكا مينيسترلىگى 2017 -جىلعى ماۋسىمدا «قازاقستان رەسپۋبليكاسىنىڭ وڭىرلەرىندە بيزنەستى جۇرگىزۋدىڭ جەڭىلدىگى جونىندەگى رەيتينگتى ازىرلەۋ جانە ەنگىزۋ» جوباسىن باستاعاندىعىن ەسكە سالدى.
«جوبا اياسىندا ەلدىك جانە ەلارالىق دەڭگەيدە بيزنەس ورتانى زەرتتەۋگە باعىتتالعان الەمدىك انالوگتاردىڭ تاجىريبەسى نەگىزىندە بيزنەستى جۇرگىزۋدىڭ جەڭىلدىگى جونىندەگى رەيتينگ ادىستەمەسى ازىرلەنىپ، بەكىتىلدى. رەيتينگ ادىستەمەسىنە سايكەس باعالاۋ ەكى: وڭىرلىك - 14 وبلىس پەن استانا جانە الماتى قالالارىن جانە قالالىق دەڭگەيدە - 55 قالانى سالىستىرۋ ارقىلى جۇرگىزىلمەك»، - دەدى جۇمانعارين.
ونىڭ ايتۋىنشا، وڭىرلەر مەن قالالارداعى بيزنەستى جۇرگىزۋ شارتىن باعالاۋدىڭ نەگىزگى باعىتتارى رەتتەۋشىلىك احۋال، بيزنەسكە قارجىنىڭ قولجەتىمدىلىگى، ادامي كاپيتال، بيزنەستىڭ ينفراقۇرىلىمى، قابىلدانعان شەشىمدەردىڭ اشىقتىعى بولىپ تابىلادى. رەيتينگ رەسمي ستاتيستيكا مالىمەتتەرى نەگىزىندە دە، سۋبەكتيۆتىك ساۋالناما دەرەكتەرى نەگىزىندە دە وتكىزىلەدى.
«بۇگىندە زەرتتەۋلەر اياقتالدى، 10 مىڭنان اسا رەسپوندەنتپەن (ونىڭ 8120 سى كاسىپكەر جانە 2100 ى بولاشاق كاسىپكەرلەر) ساۋالناما جۇرگىزىلدى. بيزنەس- قوعامداستىق وكىلدەرىمەن جۇرگىزىلگەن ساۋالناما قورىتىندىسى بويىنشا ەكونوميكالىق زەرتتەۋلەر ينستيتۋتى بيزنەس- ورتاعا تالداۋ جاسادى»، - دەدى جۇمانعارين بيزنەستى جۇرگىزۋدىڭ جەڭىلدىگى جونىندەگى وڭىرلەر مەن قالالاردىڭ رەيتينگىنىڭ ناتيجەلەرى يندۋستريالاندىرۋ كۇنىندە حابارلاناتىندىعىن ايتا كەلىپ.
كاسىپكەرلىكتىڭ دامۋىنا ۇلەس قوسقان قالالار مەن وڭىرلەر «حان ءتاڭىرى» سىيلىعىنا ۇسىنىلاتىن بولادى. رەيتينگ بيزنەس- احۋالدى جاقسارتۋ جونىندەگى رەفورمالاردى تاجىريبەدە اناعۇرلىم بەلسەندى تۇردە جۇزەگە اسىراتىن جانە قولداناتىن وڭىرلەر مەن قالالاردىڭ پوزيتسياسىن انىقتايتىن تولىققاندى تەتىك بولاتىندىعى بولجانۋدا.
وتىرىسقا قاتىسۋشىلار تۇتاس العاندا، باياندامانى ماقۇلداپ، قورىتىندى حاتتاماعا قول قويدى. ولار سونداي- اق مۇنداي جوبالاردى قوعامدىق كەڭەستىڭ اياسىندا تالقىلاۋ مەملەكەتتىك شەشىمدەردى قابىلداۋدىڭ ايقىندىعىن ارتتىراتىندىعىن اتاپ ءوتتى.
ۇلتتىق ەكونوميكا مينيسترلىگىنىڭ قوعامدىق كەڭەسىنىڭ قۇرامىندا قازاقستاننىڭ سالىق تولەۋشىلەر قاۋىمداستىعى كەڭەسىنىڭ باسقارۋشى ءتوراعاسى جاننات ەرتىلەسوۆا، «قازاقستان ەكونوميستەرىنىڭ قاۋىمداستىعى» قوعامدىق قورى قامقورشىلىق كەڭەسىنىڭ ءتوراعاسى وراز جاندوسوۆ، «الماتى حالىقارالىق اۋەجايى» ا ق ديرەكتورلار كەڭەسىنىڭ ءتوراعاسى ءانۋار سەيدەنوۆ جانە باسقالار بار.
