استاناداعى احۋال ورتالىعى مەرەكە قارساڭىندا قايتا جۇمىسقا كىرىستى
قالاداعى ءتارتىپ پەن قاۋىپسىزدىكتى قامتاماسىز ەتەتىن شتابتىڭ جەتەكشىلىگى استانا اكىمىنىڭ ورىنباسارى اسقار امرينگە جۇكتەلدى، دەپ حابارلايدى ەلوردا اكىمدىگىنىڭ مەديا ورتالىعى.
شتاب قۇرامىنا مۇددەلى مەملەكەتتىك ورگاندار، مەكەمەلەر مەن قۇقىق قورعاۋ ورگاندارىنىڭ جەتەكشىلەرى ەندى.
اتالعان شتاب وتىرىسىندا قالانىڭ جەدەل جاعدايى، تۇڭعىش پرەزيدەنت كۇنىنە ارنانالىپ جوسپارلانعان قوعامدىق ماڭىزدى مادەني- بۇقارالىق جانە سپورتتىق شارالاردىڭ دايىندىعى تالقىلاندى.
وتىرىس قورىتىندىسى بويىنشا قالا تىرشىلىگىن قامتاماسىز ەتۋ جۇيەسىنىڭ ۇزدىكسىز جۇمىس ىستەۋى جانە ونى قامتاماسىز ەتەتىن ۋاكىلەتتى مەملەكەتتىك ورگانداردىڭ كۇشى مەن كەشەندى كۇشتەرىڭ ءوزارا ارەكەت ەتۋىنە قاتىستى ناقتى تاپسىرما بەرىلدى.
