چەمپيون اتانعان ش ق و- لىق وقۋشىنى جەرلەستەرى قوشەمەتپەن قارسى الدى

سايىسقا ەۋروپانىڭ 22 ەلىنەن الدىڭعى قاتارلى سپورتشىلار قاتىستى. دياس كوستۋبايەۆ 12-13 جاسقا دەيىنگى جاسوسپىرىمدەر اراسىندا، 40 كەلىگە دەيىنگى سالماقتا ەۋروپا چەمپيونى اتاندى. قازاقستان قۇراماسى اتىنان بۇل چەمپيوناتقا 15 سپورتشى بارعان بولاتىن.

شىعىس وڭىرىنەن ءبىر ءوزى اتتانعان جاس سپورتشى بارلىعى 3 جەكپە-جەك وتكىزىپ، بارلىق كەزدەسۋىن سەنىمدى ۇتقان. دياس ءۇشىن جارىس قوجايىنىمەن وتكىزگەن العاشقى كەزدەسۋى قيىنعا سوقتى. جارتىلاي فينالدىق جانە فينالدىق جەكپە-جەگىندە رەسەيلىك سپورتشىلاردان ايلاسىن اسىرىپ، دياس تۇعىردىڭ ەڭ بيىگىن باعىندىرعان.

«بۇل سايىسقا ۇلكەن جاۋاپكەرشىلىكپەن قاراپ، 3 اي كولەمىندە دايىندالدىق. دايىندىق بارىسىندا دياستىڭ سالماقتى ۇستاپ تۇرۋى ءسال قيىنعا سوقتى. رۋمىنياعا جەتكەنگە دەيىن بۇل جاعى رەتتەلىپ، سالماعى ءبىرقالىپتى بولدى. قايتكەنمەن دە جارىس ءبىز ءۇشىن ءساتتى اياقتالىپ، ۇزدىك ناتيجەگە قول جەتكىزدىك»، - دەدى شىعىس قازاقستان وبلىستىق كيوكۋشينكاي- كان كاراتە فيليالىنىڭ جەتەكشىسى رۋسلان الشىمبايەۆ.

رۋسلان الشيمبايەۆتىڭ ايتۋىنشا، ءبىراز كۇن تىنىققان سوڭ دياس الداعى كۇتىپ تۇرعان حالىقارالىق جارىسقا دايىندالاتىن بولادى.

ايتا كەتسەك، دياس وسىدان بىرنەشە اي بۇرىن قازاقستان رەسپۋبليكاسىنىڭ چەمپيوناتىندا توپ جارعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى