لۋكاشەنكو نازاربايەۆقا ۋادە بەردى
دەپ حابارلايدى قازاقپارات ءتىلشىسى مينسكىدەن.
«ءبىزدىڭ ەلدەرىمىز شىن مانىندە گۋمانيتارلىق سالاداعى ءوزارا ءىس- قيمىلدىڭ ناتيجەلەرىنە ماقتانا الادى. پوستكەڭەستىك كەڭىستىكتە بەلارۋس پەن قازاقستاننىڭ 40-تان استام جوعارى وقۋ ورىندارى مەن عىلىمي- زەرتتەۋ ينستيتۋتتارى اراسىندا عىلىمي- ءبىلىم كونسورتسيۋمى قۇرىلدى. بەلارۋستا 500-دەن استام قازاقستان ازاماتى ءبىلىم الۋدا. مەديتسينالىق سالاداعى ىنتىماقتاستىق تا جوعارى قارقىنمەن دامۋدا. ايتپاقشى، قازاقستاندا ەرەسەكتەر مەن بالالاردىڭ باۋىرىن الماستىرۋ ءبىرىنشى وپەراتسياسى بەلارۋستىق مامانداردىڭ قاتىسۋىمەن جاسالدى»، - دەدى لۋكاشەنكو.
بەلارۋس پرەزيدەنتى ءبىلىم بەرۋ، مادەنيەت، دەنساۋلىق ساقتاۋ سالالارىندا بايلانىستاردى ودان ارى دا جوعارى دەڭگەيدە ىلگەرىلەتۋگە نيەتتى ەكەندىگىن جەتكىزدى. سونىمەن قاتار ەكى ەل اراسىندا مادەنيەت كۇندەرىن قايتادان وتكىزۋدى باستاۋ ۇسىنىسىن ايتتى.
«تاعى دا ايتامىن، قازاقستان ءبىز ءۇشىن ستراتەگيالىق سەرىكتەس جانە ءبىز بارلىق باعىتتارداعى ءونىمدى ءوزارا ءىس- قيمىلعا باعىتتالعان وسىناۋ تىعىز بايلانىستارىمىزدى وتە جوعارى باعالايمىز. قۇرمەتتى نۇرسۇلتان ءابىش ۇلى، مەن سىزگە ەگەردە ءبىز قانداي دا ءبىر ماسەلەلەردە كەلىسىمگە كەلسەك، وندا اتالعان ۋاعدالاستىقتىقتان تايماۋعا كەپىلدىك بەرەمىن جانە سىزدەردە جاڭا تاريحىمىزدىڭ بارلىق كەزەڭدەرىندەگىدەي ەش ۋاقىتتا بىزبەن ءتۇيىندى پروبلەما بولمايدى»، - دەدى لۋكاشەنكو.
اۆتور: مارلان جيەمباي
