نوبەل لاۋرەاتتارىنا اقشا شاشۋدى قويۋ قاجەت - قۇلىبايەۆ
بۇل تۋرالى «اتامەكەن» ۇ ك پ پرەزيديۋم ءتوراعاسى تيمۋر قۇلىبايەۆ ايتتى، دەپ حابارلايدى قازاقپارات ءتىلشىسى.
«استانا ەكونوميكالىق فورۋمىنا نوبەل لاۋرەاتتارىن شاقىرامىز دا، تۇشىمدى سۇراق قويا المايمىز. شىنى كەرەك، ولاردى انتۋراج ءۇشىن شاقىرامىز. سىرتتان بىرەۋدىڭ بىلاي- بىلاي ىستەڭدەر دەپ وتىرعانى دۇرىس ەمەس. ءبىز ءوز ىشىمىزدە ناقتى شەشىمگە كەلىپ، باعىت- باعدارىمىزدى بەلگىلەۋىمىز كەرەك. ۇرىسامىز با، داۋلاسامىز با، ءبىر شەشىمگە ءوزىمىز كەلۋىمىز كەرەك. سوندىقتان وتاندىق ساراپتامانى قولدانعانىمىز ءجون. ايتپەسە، ىلعي سىرتتان ءبىر سيقىرشىلاردى كۇتىپ وتىرامىز. ولاي بولمايدى»، - دەدى قۇلىبايەۆ بۇگىن پرەزيديۋمنىڭ كەڭەيتىلگەن وتىرىسىندا.
ونىڭ ايتۋىنشا، نوبەل لاۋرەاتتارى سياقتى «قىمبات قوناقتاردى» شاقىرعانشا ءوزىمىزدىڭ مامانداردى كونفەرەنتسيالار مەن سەمينارلارعا جىبەرىپ، ولاردىڭ كاسىبي دايىندىقتارىن شىڭداعان ءجون. سوندا ەلىمىزدىڭ ەكونوميكالىق ساراپتاماسى جەتىلەدى. ۇكىمەت پەن بيزنەسكە دۇرىس باعدار بەرىلەدى.
ايتا كەتەيىك، بۇگىنگى وتىرىسقا ۇكىمەت باسشىسى باقىتجان ساعىنتايەۆ تا قاتىستى. سول جەردە تيمۋر قۇلىبايەۆ ارزان يپوتەكا نارىعىن دامىتۋ قاجەتتىگىن ايتقان بولاتىن.
