حالىققا ارزان يپوتەكا بەرۋ كەرەك - تيمۋر قۇلىبايەۆ
«وتكەن اپتادا ءبىز شىعىس قازاقستاندا بولدىق. دانيال كەنجەتاي ۇلى (ش ق و اكىمى - اۆت.) ايتادى، باسپانا قۇرىلىسىن قارجىلاندىرۋدىڭ قاجەتى قانشا؟ ونىڭ ءبارىن ەكىنشى دەڭگەيلى بانكتەرگە بەرىپ تاستاۋعا بولادى عوي. ال الەۋمەتتىك جاعىنان از قامتىلعاندارعا كومەكتەسەتىن بولساق، ارزان يپوتەكانى بەرەيىك. قازىر بىزدە تۇرعىن ءۇي قۇرىلىسىمەن «سامۇرىق- قازىنا» اينالىسادى، «بايتەرەك» حولدينگى اينالىسادى. ولار باسپانا قۇرىلىسىمەن ەمەس، ەل ەكونوميكاسىمەن اينالىسۋى قاجەت. ال تۇرعىن ءۇي قۇرىلىسىن جەكە بيزنەس تە اتقارا الادى. بۇنى جاي ادام ايتىپ وتىرعان جوق. اكىم ايتىپ وتىر. ول دا كەزىندە ۇكىمەتتى باسقارعان»، - دەدى «اتامەكەن» ۇ ك پ پرەزيديۋم ءتوراعاسى تيمۋر قۇلىبايەۆ بۇگىن پالاتانىڭ كەڭەيتىلگەن وتىرىسىندا.
پرەزيديۋم باسشىسىنىڭ ايتۋىنشا، مەملەكەتتىڭ قىرۋار قاراجاتىن «سامۇرىق- قازىنا» قورى، «بايتەرەك» پەن اكىمدىكتەر ارقىلى قۇرىلىسقا سالعانشا ول اقشاعا يپوتەكانىڭ پايىزدىق مولشەرلەمەسىن سۋبسيديالاۋعا بولادى. وسىلايشا، يپوتەكانى حالىققا بارىنشا قولجەتىمدى ەتۋگە مۇمكىندىك بار.
ايتا كەتەيىك، «اتامەكەن» ۇ ك پ پرەزيديۋمنىڭ كەڭەيتىلگەن وتىرىسىنا ق ر ۇكىمەت باسشىسى باقىتجان ساعىنتايەۆ قاتىستى. ماجىلىستە كاسىپكەرلىكتى دامىتۋ بويىنشا اتقارىلعان جۇمىستار مەن الداعى شارالار تالقىلانىپ، وسى سالاداعى وزەكتى ماسەلەلەر دە پىسىقتالدى.
اۆتور: ارمان اسقاروۆ
