ازاماتتىعىن ەسكەرتپەي اۋىستىرعاندار جاۋاپكەرشىلىككە تارتىلادى - ءى ءى م
«مۇنداي ماسەلە بار. بۇل - ءبىزدىڭ مەملەكەتتىك ورگانداردىڭ جۇيەلەرى بىرلەسىپ، ينتەگراتسيالانا باستاعان كەزدە ەلدەن كوشىپ كەتكەن ازاماتتارعا بايلانىستى. ادامدار كەتكەنىمەن، رەسمي تۇردە كوشىپ بارا جاتقانىن ەسكەرتپەگەن. زاڭنامالىق تارتىپتە كەتىپ بارا جاتقانىن قۇجات تۇرىندە راستاسا دا، ولار بارعان ەلدىڭ ازاماتتىعىن العان. ول تۋرالى بىزگە ەسكەرتپەگەن. ءبىراق ءبىزدىڭ اكىمشىلىك كودەكستە باسقا ەلدىڭ ازاماتتىعىن العانىن ۋاقتىلى ەسكەرتپەگەنى ءۇشىن جاۋاپكەرشىلىك قاراستىرىلعانىن ۇمىتپاۋ كەرەك»، - دەيدى گالينا سارسەنوۆا استانا قالاسىنىڭ الماتى اۋداندىق № 5 ح ق ك و- نىڭ بولىمشەسىندە تىلشىلەرگە بەرگەن سۇحباتىندا.
ونىڭ پايىمداۋىنا قاراعاندا، قازىرگى ۋاقىتتا بىرنەشە مەملەكەتپەن اتالعان باعىتتا تۇراقتى تۇردە جۇمىس جۇرگىزىلىپ، ازاماتتىق الۋ تۋرالى ءوزارا مالىمەتتەردى الماسىپ تۇرۋ ءۇشىن حالىقارالىق كەلىسىمدەرگە قول قويىلۋدا.
«بۇگىنگى كۇنى مۇنداي جۇمىس شەكارا قىزمەتتەرىنىڭ وتكىزۋ پۋنكتەرىندە جۇرگىزىلىپ جاتىر. اقپاراتتىڭ قايدان بەلگىلى بولعانىنا قاراماستان (ازاماتتىڭ ءوزى ايتسا دا نەمەسە باسقا دا اقپارات كوزىنەن بەلگىلى بولسا دا) ءبىز بارلىق جاعدايلاردى تىركەپ وتىراتىن بولامىز. مۇنداي قۇجاتتار رەسەيدەن ءبىزدىڭ ەلگە قوراپ- قورابىمەن جەتكىزىلەدى. 2008، 2009، 2010، 2011 - جىلدارى ازاماتتىق العانداردى ءبىز وسى جۇيەگە ەنگىزىپ جاتىرمىز. بۇل ساندار قازىر ءبىزدىڭ قولىمىزدا»، - دەيدى گالينا سارسەنوۆا.
اۆتور: ايان بەكەن ۇلى
