قوعامدىق كولىك جۇرگىزۋشىلەرىنىڭ ايلىعى قانشا

 «استانا قالاسىندا اۆتوبۋس جۇرگىزۋشىلەرىنىڭ ايلىعى شامامەن 350 مىڭ تەڭگە. جۇرگىزۋشى ورتاشا ەسەپپەن قانشا الۋ كەرەك - سونشا اقىنى ءقازىر ولار (جۇرگىزۋشىلەر - اۆت. ) الىپ ءجۇر. سىزدەرگە ايتارىم، وسىنشاما اقشا الىپ جۇرسە دە، جۇمىس ءتارتىبىنىڭ قيىندىعىنا بايلانىستى كوپ ادام جۇمىس ىستەگىسى كەلمەيدى»، - دەيدى ول.

باۋىرجان تىلەۋبەرگەنوۆتىڭ ايتۋىنشا، جۇرگىزۋشىلەردىڭ ايلىعىن مىندەتتى تۇردە ءوسىرۋ كەرەك.

«مەن ولاردىڭ ايلىعىن وسىرۋگە دايىنمىن. البەتتە، ەگەر تاريف كوتەرىلىپ، جانار- جاعارماي مەن قوسىمشا سايمانداردىڭ باعاسى ارزانداسا...» ، - دەيدى اۆتوپارك باسشىسى.

 ايتا كەتسەك، 2014 -جىلعا دەيىن استانادا قازىرگى زاڭنامالارعا سايكەس كەلمەيتىن اۆتبۋستار (قولدانىستا جۇرگەنىنە 14 جىلدان اسىپ كەتكەن - اۆت. ) قاتىناپ جۇرگەن ەدى. 2014 -جىلى قوعامدىق كولىكتەر قۇرامى جاڭارتىلىپ، يۆەككو ماركالى 357 اۆتوبۋس ساتىپ الىندى. مۇنىمەن توقتالماي، ەلورداعا 2015-2016 -جىلدارى حالىقارالىق ستاندارتتارعا سايكەس كەلەتىن تاعى 380 اۆتوبۋس اكەلىندى. قازىرگى تاڭدا قالا ىشىندەگى 1140 اۆتوبۋس كۇنىنە 800 مىڭ ادامعا قىزمەت كورسەتەدى.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى