بۇكىل الەمدىك كەڭەسى قانات يسلامعا مىندەتتى قارسىلاستى بەلگىلەدى

بۇل تۋرالى BoxingScene.com پورتالى حابارلاپ وتىر.

ءبىرىنشى ورتا سالماقتا ونەر كورسەتەتىن وتانداسىمىزدىڭ مىندەتتى قارسىلاسى جەڭىلىپ كورمەگەن امەريكالىق بوكسشى دجون ۆەرا بولىپتى. ونىڭ ەنشىسىندە 18 جەكپە-جەك بار. بارلىعىندا جەڭىسكە جەتكەن. 11 كەزدەسۋدە قارسىلاستارىن نوكاۋتقا تۇسىرگەن.

WBA كەڭەسىنىڭ وكىلدەرى ەكى بوكسشىعا رەسمي حاتتى 21- قازان كۇنى جىبەرگەن. ەندى ەكى تاراپ وكىلدەرىندە جەكپە-جەكتى ۇيىمداستىرۋعا 30 كۇن بار. كەرى جاعدايدا كەزدەسۋدى وتكىزۋ قۇقىعى ءباس ساۋداعا قويلادى.

ايتا كەتەيىك، بۇل كەزدەسۋدە جەڭىسكە جەتكەن بوكسشى WBA بەلبەۋىنىڭ يەگەرى كۋبالىق ەريسلاندي لارانىڭ (25-2-2, 14 ك و) ءبىرىنشى كەزەكتەگى مىندەتتى قارسىلاسى بولادى.

قازىرگى ۋاقىتتا قانات يسلام WBA رەيتينگىندە ءبىرىنشى ورىندا كەلەدى. ول ءوزىنىڭ سوڭعى كەزدەسۋىن 9- قىركۇيەك كۇنى استانا قالاسىندا وتكىزىپ، كانادالىق برەندون كۋكتان ايلاسىن اسىرىپ، WBO NABO جانە WBA Inter- Continental بەلبەۋلەرىن قورعاپ قالدى.

ۆەرا بولسا بۇل رەيتينگتە ەكىنشى ورىندا تۇر. سوڭعى كەزدەسۋىن ول 2017-جىلدىڭ 29- قىركۇيەگىندە وتكىزىپ، ساندەي الجۋۆۋدان ايلاسىن اسىردى.

vesti.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى