قانداي جاعدايدا قازاقستاندىقتارعا اۆتوساقتاندىرۋ قاجەت ەمەس
«قانداي جاعدايلاردا ساقتاندىرۋ مىندەتتى ەمەس؟ ەگەر تۇلعا كولىك قۇرالىن ونىڭ يەسىمەن ەڭبەك قارىم-قاتىناسى نەگىزىندە نەمەسە ونىڭ قاسىندا بولۋىمەن باسقاراتىن بولسا ساقتاندىرۋ قاجەت ەمەس. ماسەلەن، كولىك كومپانياسىنىڭ مەنشىگىندە بىرنەشە اۆتوموبيل بولادى. ول پايدالانىلاتىن ءاربىر كولىك قۇرالىنا جەكە-جەكە ساقتاندىرۋ شارتىن جاساسۋى قاجەت. جانە بۇل ساقتاندىرۋ اتالعان كاسىپورىننىڭ اۆتوكولىكتى باسقاراتىن كەز كەلگەن جۇمىسشىسىنا جارامدى بولادى»، - دەدى ق ر جوعارعى سوتىنىڭ سۋدياسى الفيا ساۆينوۆا.
ول بۇل جايىندا ق ر جوعارعى سوتىنىڭ باسپا ءسوز حاتشىسى بولات كاليانبەكوۆتىڭ فەيسبۋكتەگى پاراقشاسىندا جاريالاعان ۆيدەودا ايتىلدى.
سۋديا ەكى كولىك سوقتىعىسىپ، سونىڭ سالدارىنان ءۇشىنشى ازاماتقا زارداپ كەلەتىن بولسا، وندا اتالعان ازاماتتىڭ الدىندا ەكى كولىكتىڭ يەسى دە جاۋاپ بەرەدى.
«قالعان بارلىق جاعدايلاردا ىنتىماقتى جاۋاپكەرشىلىك بولمايدى. كولىك يەلەرىنىڭ ءبىرى عانا جاۋاپ بەرەدى. ماسەلەن، ج ش س جۇرگىزۋشىسى جول-كولىك وقيعاسىن جاسايتىن بولسا، وندا شىعىنعا اتالعان كولىك قۇرالىنىڭ يەسى، ياعني سەرىكتەستىك جاۋاپ بەرەدى»، - دەدى ول.
ەگەر ونىڭ جاۋاپكەرشىلىگى ساقتاندىرىلعان بولسا، وندا ساقتاندىرۋ شىعىندارىن ساقتاندىرۋشى كومپانيا تولەيدى. سوندىقتان دا سوت داۋ تۋىنداعان جاعدايدا جول-كولىك وقيعاسى كەزىندە كولىك قۇرالىنىڭ يەسى بولدى ما جانە ونىڭ جاۋاپكەرشىلىگى ساقتاندىرىلعان با دەپ سۇرايدى.
الفيا ساۆينوۆانىڭ ايتۋىنشا، كولىك قۇرالى قاۋىپتىلىگى جوعارى دەپ سانالادى. سوندىقتان ەگەر كولىك جاياۋ جۇرگىنشىنى قاعىپ كەتەتىن بولسا، وندا ونىڭ يەسى كىناسىز بولسا دا جاۋاپ بەرەدى.
ونىڭ سوزىنە قاراعاندا، 2016-جىلى ساقتاندىرۋ تۋرالى قولدانىستاعى زاڭعا وزگەرىستەر ەنگىزىلگەن. اتالعان وزگەرىستەرگە سايكەس، اپاتقا ۇشىراعان كولىكتى باعالاۋ جۇمىستارىن ساقتاندىرۋ كومپانياسى جۇزەگە اسىرادى. دەگەنمەن، زاڭمەن بەلگىلەنگەن 10 كۇندىك مەرزىمنىڭ ىشىندە ساقتاندىرۋ كومپانياسى باعالاۋ جۇرگىزبەسە، وندا زارداپ شەگۋشى تاۋەلسىز باعالاۋشىنىڭ قىزمەتىنە جۇگىنۋىنە قۇقىعى بار. ال ونىڭ باعالاۋى ساقتاندىرۋشى ءۇشىن مىندەتتى بولادى جانە ونىمەن داۋلاسا المايدى جانە ساقتاندىرۋ وتەماقىسىن تولەۋگە مىندەتتى.
