توعىز ايلىق ءسابي جۇزۋدەن سپورت شەبەرىنە ۇمىتكەر اتاندى

جۇزۋدەن سابيلەر اراسىنداعى سايىس الماتىدا وسىمەن 4- مارتە ۇيىمداستىرىلىپ وتىر. بۇل جولى قاتىسۋشىلار سانى 370-كە دەيىن جەتكەن. ءسابي سپورتشىنى قولداۋعا كەلگەن وتباسىلار جارىستىڭ كورىگىن قىزدىردى. ونىڭ ىشىندە تانىمال ادامداردىڭ دا سابيلەرى سپورت شەبەرىنە ۇمىتكەر اتاعىن الدى. ماسەلەن، بەلگىلى فۋتبولشى سەرگەي گريدين مەن «ميسس الماتى - 2015» بايقاۋىنىڭ جەڭىمپازى رەگينا ۆالتەردىڭ ۇلى 9 ايلىق ميحايل گريدين سپورت شەبەرىنە ۇمىتكەر اتاندى.

سايىس تالابى بويىنشا سابيلەر ويىنشىقتى الۋ ءۇشىن سۇڭگىپ، توننەلدەردەن ءجۇزىپ ءوتتى. ومىراۋداعى سابيلەردەن بولەك جارىسقا قاتىسقان بالاقايلار دا 20 مەتر قاشىقتىقتا ءجۇزىپ، باق سىنادى.

«سايىس قورىتىندىسى بويىنشا بىزدە 85 سپور شەبەرىنە ۇمىتكەر انىقتالدى. ونىڭ 25 ءى ءسابي بولسا، 61- ءى بالاقاي. 7 بالا سپورت شەبەرى اتاندى»، - دەدى ۇيىمداستىرۋشىلار.

سايىستا ەلدار ابىشيەۆتىڭ رەكورد ورناتقانىن ايتا كەتۋ كەرەك. بالاقايدىڭ جاسى 3,5-دا. ءجۇزىپ ۇيرەنگەنىنە 2-اق اي بولسا دا جارىستا توپ جارىپ، سپورت شەبەرى اتاعىنا يە بولدى. 4 جاستاعى لياميس ابۋشاراف حاۋىزداعى قاشىقتىقتى ءبىر دەممەن ءجۇزىپ ءوتتى. سونداي- اق، 4 جاسار ارتەم كونيايەۆ 20 مەترلىك قاشىقتىقتى 31 سەكۋندتا باعىندىرىپ سايىستىڭ ەڭ ۇزدىگى اتاندى.

كەلەسى جارىس 2018 -جىلدىڭ قاراشا ايىندا وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى