تۇركى بارومەترى: تۇركياداعى ەڭ تانىمال تۇلعا - نۇرسۇلتان نازاربايەۆ
ساۋالناماعا قازاقستان، تۇركيا، ازەربايجان، قىرعىزستان، وزبەكستان جانە تۇركمەنستان استانالارىنىڭ تۇرعىندارى قاتىسقان.
«انكارا تۇرعىندارىنىڭ ناتيجەسى تاڭ قالدىردى - ولار قازاقستان پرەزيدەنتى نۇرسۇلتان نازاربايەۆتى تۇركى الەمىندەگى ەڭ ىقپالدى تۇلعا دەپ سانايدى. جالپى بارلىق التى مەملەكەتتىڭ تۇرعىندارى نۇرسۇلتان نازاربايەۆتى ساياسي قايراتكەر دەپ تانىعان.
«تۇركى الەمىندەگى ەڭ ىقپالدى تۇلعا كىم؟» دەگەن سۇراق قويىلدى. وعان جاۋاپ بەرۋ اياسىندا 60-قا جۋىق تۇلعانىڭ اتى اتالدى. نۇرسۇلتان نازاربايەۆ، مۇستافا كەمال اتاتۇرىك، شىڭعىس ايتماتوۆ، رەجەپ تايىپ ەردوعان، گەيدار الييەۆ، ساپارمۇرات نيازوۆتاردىڭ ەسىمى ءجيى ايتىلدى»، - دەپ ءتۇسىندىردى الەۋمەتتانۋشى بوتاگوز راقىشيەۆا.
سونىمەن بىرگە، ساراپشى تۇركيا ازاماتتارىنىڭ ازەربايجاننىڭ ساياسي جانە قوعام قايراتكەرلەرىن كوبىرەك بىلەتىنىن اتاپ ءوتتى. وزبەكستاندا قازاقستاندىق جانە قىرعىزستاندىق كوشباسشىلار جانە ونەر، عىلىم سالاسىندا تۇركيالىق تۇلعالار ءجيى اتالعان. قىرعىزستاندىقتار قازاقستان تۇلعالارى اراسىنان قايرات نۇرتاس، ەركە ەسماحان، روزا رىمبايەۆانى بىلەتىندەرىن جەتكىزگەن.
زەرتتەۋ بارىسىندا التى مەملەكەت استاناسىنىڭ ءارقايسىسىنان 500 رەسپوندەنت تاڭدالىپ الىنعان جانە ولار 50-دەن استام سۇراققا جاۋاپ بەرگەن.
«تۇركى بارومەترى» ءوزىنىڭ سيپاتى جاعىنان ەۋروپا وداعىنىڭ «ەۋروپا بارومەترى» زەرتتەۋ باعدارلاماسى مەن الەمنىڭ وزگە دە ايماقتارىندا جۇرگىزىلەتىن («افروبارومەتر»، «لاتىن بارومەتر» ت. ب.) زەرتتەۋلەرىنە ۇقساس.
بۇدان بىلاي، «تۇرىك بارومەترى» تاۋەلسىز تۇركى مەملەكەتتەرىندە التى اي سايىن جۇرگىزىلەتىن بولادى.
