سولتۇستىك قازاقستان وبلىسى بەيجىڭدە ينۆەستورلارمەن جۇمىس ىستەۋگە ارنالعان كەڭسە اشادى

قىزمەتتىك ساپار اعىمداعى جىلدىڭ تامىز ايىندا وتكەن ايماقتىق كەڭەستىڭ وتىرىسىندا جاسالعان كەلىسىمدەر نەگىزىندە ىسكە استى. سولتۇستىك قازاقستاندىق دەلەگاتسيا ايماقتىڭ ينۆەستيتسيالىق مۇمكىندىكتەرىن كورسەتىپ، ينۆەستورلارعا جاسالعان جاعدايلار مەن جۇمىس شارتتارى جونىندە ايتتى.

قۇمار اقساقالوۆ بىرلەسكەن جوبالاردى ىسكە اسىرۋ ماقساتىندا، قىتاي بيزنەسمەندەرىن س ق و- عا شاقىردى.

«ءبىزدىڭ ايماق بىرنەشە باعىت بويىنشا پايدالى ەكونوميكالىق ىنتىماقتاستىق شارتتارىن ۇسىنۋعا دايىن. ونىڭ ىشىندە اۋىل شارۋاشىلىعىنان باستاپ، ونەركاسىپ، ماشينا جاساۋ، اگروسەكتورداعى قايتا وڭدەۋ، ساۋدا- ساتتىق جانە باسقا دا سالالار بار. مەملەكەت تاراپىنان ينۆەستيتسيالىق جوبالارعا وندىرىستىك ينفراسترۋكتۋرالار تارتىلعان. ءبىز ءار جوباعا جەكە- جەكە نازار اۋدارامىز» ، - دەدى قۇمار اقساقالوۆ.

ۋحان قالاسىندا س ق و اكىمى ازىق- تۇلىك ونىمدەرىن يمپورتتاۋدى كوزدەگەن ءىرى ساۋدا نۇكتەلەرى جانە جەرگىلىكتى كومپانيالاردىڭ جەتەكشىلەرىمەن كەلىسوزدەر جۇرگىزدى.

سولتۇستىك قازاقستان وبلىسى بەيجىڭدە ينۆەستورلارمەن جۇمىس ىستەۋگە ارنالعان كەڭسە اشادى

حۋبەي پروۆينتسياسىنىڭ گۋبەرناتورى ۆان سياودۋنمەن كەزدەسۋ بارىسىندا ەكى جاقتى كەلىسىم مەموراندۋمىنا قول قويىلدى.

 شيان قالاسىندا قۇمار اقساقالوۆ شاھار مەرى زانگ ۆەيگۋمەن كەزدەسىپ، ەكى- جاقتى ىنتىماقتاستىقتىڭ الداعى جوسپارلارىن تالقىلادى. سونىمەن قاتار، ايماق باسشىسى اۆتوموبيل وندىرىسىمەن اينالىساتىن «DongfengMotorCorporation» زاۋىتىندا بولدى.

 «حۋبەي پروۆينتسياسىندا 61 ميلليون ادام تۇرادى. بۇل ولكە ەل ەكونوميكاسىندا بەسىنشى، جالپى ايماقتىق ءونىم كورسەتكىشى بويىنشا جەتىنشى ورىن الادى. جوعارى دامىعان وندىرىستىك كەشەنى جانە عىلىمي- ءبىلىم بەرۋ نەگىزدەرى مىقتى حۋبەي مەن، دامىعان اۋىل شارۋاشىلىعى، مول رەسۋرستارى بار س ق و اراسىنداعى ىنتىماقتاستىق ەكى جاقتىڭ دا ەكونوميكاسىن تولىقتىرىپ دامىتا الادى» ، - دەدى قۇمار اقساقالوۆ

 س ق و اكىمى باسپا ءسوز قىزمەتىنىڭ اقپاراتىنا سۇيەنسەك، بەيجىڭدەگى ءىرى مەكەمەلەرمەن شاندۋن، حىنان، جياڭسۋ، شانشي سياقتى ۇلكەن پروۆينتسيالاردىڭ وكىلدەرى وبلىس ەكونوميكاسىنا ينۆەستيتسيا قۇيۋعا قازىردىڭ وزىندە دايىن.

 جۋىقتا بەيجىڭدە ەكى- جاقتى ىنتىماقتاستىقتىڭ سۇراقتارى مەن ماسەلەلەرىن شەشۋگە ارنالعان س ق و- نىڭ رنايى وفيسى اشىلادى.

 سولتۇستىك قازاقستان وبلىسى بەيجىڭدە ينۆەستورلارمەن جۇمىس ىستەۋگە ارنالعان كەڭسە اشادى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى