قوستانايدىڭ ەڭ سۇلۋ ارۋى انىقتالدى - فوتو

نەگىزى قاراشا ايىنداعى قارالىمدا 45 ارۋ ىرىكتەلگەن. ولار بايقاۋ بارىسىندا قۇرىلعان «مودەل مەكتەبىنەن» ءدارىس الىپ، ۇزدىكتەرى شەشۋشى كەزەڭگە جولداما الدى. ءسويتىپ، قوستانايدىڭ ەڭ سۇلۋى 18 قاتىسۋشىنىڭ اراسىنان انىقتالدى.

بيىل بايقاۋ تالاپتارى دا وزگەردى. قىزداردىڭ جاسى 17 دەن كەم ەمەس جانە بويى 169 سانتيمەتردەن اسۋى ءتيىس بولدى.

سونىمەن، «قوستاناي ارۋى-2017» اتاعىن 18 جاستاعى زارينا توقتىبايەۆا جەڭىپ الدى. ونىڭ بويى - 173 سانتيمەتر.

«ارينە، شەشۋشى كەزەڭدە ءبىراز قوبالجىدىم. راسىمدى ايتسام، مەن جەڭەمىن دەپ تە ويلامادىم. كىلەڭ سۇلۋلار قاتىسىپ وتىرعان بايقاۋدىڭ ۇزدىك بەستىگىنە ەنسەم دە شۇكىر دەر ەدىم. دەگەنمەن، ساتتىلىك جولداس بولدى. مەن - قوستاناي وبلىسىنىڭ ءبىرىنشى ارۋىمىن»، - دەدى توقتىبايەۆا ءوز سۇحباتىندا.

I- ۆيتسە-ميسس بولىپ 16 جاسار توميريس كوشەعۇلوۆا تانىلدى. ۇزدىك ارۋلار قاتارىن 19 جاستاعى ساعىنىش نۇرىشەۆا قورىتىندىلادى.

ەندى زارينا توقتىبايەۆا وبلىس نامىسىن استانادا وتەتىن رەسپۋبليكالىق بايقاۋدا قورعايتىن بولادى.

اۆتور: باتىر جولاي ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى