قازاقستاندىق بياتلونشىلار الەم كۋبوگىندا العاش رەت قولا جۇلدەگە يە بولدى

بۇل تۋرالى سپورت جۋرناليسى رۋسلان مەلدەبەك فەيسبۋكتەگى پاراقشاسىندا جازدى.

«تويلا، قازاقستان! بياتلوننان الەم كۋبوگىندا قولا الدىق! گالينا ۆيشنيەۆسكايا مەن ماكسيم براۋن ەكىلىك- ميكستتا ۇزدىك ۇشتىكتە. تاريحي مەدال!»، - دەپ جازدى ول.

مارە سىزىعىن ءبىرىنشى بولىپ اۆستريالىق بياتلونشىلار ليزا تەرەزا حاۋزەر مەن سيمون ەدەر كەسىپ ءوتتى، گەرمانيا سپورتشىلارى ۆانەسسا حينتس پەن ەريكا لەسسەر ەكىنشى ورىندا. قازاقستاندىقتار گالينا ۆيشنيەۆسكايا مەن ماكسيم براۋن ءۇشىنشى ورىنعا تۇراقتادى.

ايتا كەتەرلىگى، ەستەرسۋندتاعى كەزەڭ 3- جەلتوقساندا اياقتالادى، ال 7-10- جەلتوقساندا الەم كۋبوگى اۆستريانىڭ حوحفيلتسەن كەنتىندە جالعاسادى.

ايتا كەتەيىك، قازاقستاندىق بياتلونشىلار 2018-جىلى وتەتىن قىسقى وليمپياداعا 10 ليتسەنزيا جەڭىپ الدى. وتكەن ماۋسىمداعى الەم چەمپيوناتى مەن ۇلت كۋبوگىندا قازاقستاندىق ايەلدەر قۇراماسى ەڭ مىقتى 10 كوماندانىڭ قۇرامىنا ەنسە، ەرلەر ۇلتتىق قۇراماسى توپ-15 كىردى.

 سونداي-اق، بياتلوننان ۇلتتىق كوماندا وليمپياداعى دايارلىقتارىن شىڭداۋ ءۇشىن، قاراشانىڭ 11 ءى مەن 8- قاڭتار ارالىعىندا الەم كۋبوگى مەن IBU كۋبوگىنىڭ كەزەڭدەرىنە قاتىسىپ جاتىر.

اۆتور: جانىبەك امانگەلدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى