عالىمدار شيزوفرەنيانى ەمدەۋدىڭ تىڭ ءادىسىن تاپتى

«شيزوفرەنيا كەزىندە ناۋقاستاردىڭ 70 پايىزى سان الۋان داۋىستاردى ەستيدى. كوزىنە ەلەستەيتىن وبرازدارمەن سويلەسەدى. ول ەلەستەر ناۋقاسقا ۇرىسادى، ءتىل تيگىزەدى، وزىنە دە، باسقالارعا دا قاۋىپتى ارەكەتتەرگە ۇندەيدى. اۋرۋدىڭ وسى ىسپەتتى بەلگىلەرىن ءدارى- دارمەكپەن ازايتۋعا بولادى. الايدا ونداي تەراپيادان كەيىن دە داۋىستار جوعالمايدى»، - دەيدى زەرتتەۋدىڭ اۆتورى، پروفەسسور توم كرەيگ.

زەرتتەۋ كەزىندە 18-65 جاس ارالىعىنداعى 150 ناۋقاستى سىناقتان وتكىزدى. ولاردىڭ بارلىعى - شيزوفرەنيا پەن پسيحوزبەن اۋىراتىندار. الدىمەن ناۋقاستاردى ەكى توپقا ءبولدى. 75 ادام پسيحياتردا ەمدەلسە، تاعى 75 ناۋقاس جاڭا تەراپياعا قاتىستى. بارلىعى ءدارى-دارمەك ءىشۋدى توقتاتقان جوق.

جاڭا ءادىس بويىنشا الدىمەن ناۋقاستاردىڭ ءجيى ەستيتىن داۋىستارى كومپيۋتەرلىك باعدارلاماعا سالىنىپ، كوشىرمەسى جاسالدى. ال دارىگەر ءدال سول داۋىسپەن باسقا بولمەدە وتىرعان ناۋقاسپەن سويلەسىپ تۇردى. ونداي تەراپيا ءبىر جارىم ايعا سوزىلدى. ناتيجەسىندە گاليۋتسيناتسيالار ازايدى، ناۋقاستاردىڭ كۇيزەلىسكە ءتۇسۋى سيرەي باستادى.

تۋرا 12 اپتادان كەيىن 75 ناۋقاستىڭ جەتەۋى دىبىستىق گاليۋتسيناتسيالاردىڭ مۇلدەم ەستىلمەي كەتكەنىن جەتكىزدى. ال پسيحياترعا كورىنگەندەردىڭ ىشىندە ونداي تەك ەكى ادام عانا بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى