الداعى دۇيسەنبى گرۋزيادا قارالى كۇن بولىپ جاريالاندى
بۇل تۋرالى گرۋزيا ۇكىمەتىنىڭ سايتىندا حابارلاندى.
«انادولۋ» اگەنتتىگىنىڭ حابارلاۋىنشا، گرۋزيا ءى ءى م- ءنىڭ مالىمەتىندە باتۋميدەگى بەس جۇلدىزدى «لەوگراند» قوناق ۇيىندەگى ورتتە 11 ادام قازا تاۋىپ، 21 ادام زارداپ شەككەندىگى كورسەتىلگەن.
جەرگىلىكتى ب ا ق زارداپ شەككەندەردىڭ قاتارىندا تۇركيانىڭ ازاماتتارى دا بار دەپ جازۋدا. مەرت بولعانداردىڭ ءبىرى يران ازاماتى. زارداپ شەككەندەردىڭ ومىرىنە قاۋىپ ءتونىپ تۇرعان جوق.
بريۋسسەلدەگى «شىعىس سەرىكتەستىگى» سامميتىنە اتتانعان گرۋزيانىڭ پرەمەر-ءمينيسترى گەورگي كۆيريكاشۆيلي وقيعاعا بايلانىستى قازا تاپقانداردىڭ جاقىندارىنا كوڭىل ايتتى.
كۆيريكاشۆيلي گرۋزيا بيلىگى قايعىلى وقيعانى جان-جاقتى تەكسەرۋگە جانە كىنالىلەردى جاۋاپقا تارتۋعا ۋادە بەردى.
