الماتى وبلىسىندا پوليتسيا كامەلەت جاسقا تولماعان وقۋشىعا قىلمىستىق تەرگەپ-تەكسەرۋ جۇمىستارىن باستادى
بۇل تۋرالى وڭىرلىك ءى ءى د باسپا ءسوز قىزمەتى مالىمدەدى.
وبلىستىق دەپارتامەنت مالىمەتى بويىنشا، 21- قاراشا كۇنى تالعاردا 16 جاستاعى كوللەدج ستۋدەنتى بىرنەشە جەرىنەن پىشاق جاراقاتىن الىپ، اۋرۋحاناعا جەتكىزىلگەن. قازىرگى ۋاقىتتا ستۋدەنتتىڭ جاعدايى اۋىر.
انىقتالعانداي، جەتكىنشەك قالالىق اۆتوۆوكزال ماڭىندا بەلگىسىز جىگىتپەن توبەلەسىپ قالىپ، بىرنەشە جەرىنەن پىشاق جاراقاتىن العان.
«تالعار اۋداندىق ىشكى ىستەر باسقارماسى 2 تاۋلىك ىشىندە كۇدىكتىنىڭ تۇلعاسىن انىقتادى. بۇل ورايدا رايىمبەك اۋدانىنداعى جالپى ءبىلىم بەرەتىن مەكتەپتىڭ 17 جاستاعى جوعارى سىنىپ وقۋشىسى كۇدىككە ءىلىندى. قازىرگى ۋاقىتتا كۇدىكتى وقۋشى ۇستالىپ، اۋداندىق پوليتسيا بولىمىندە قاماۋدا وتىر»، - دەپ مالىمدەدى ءى ءى د باسپا ءسوز قىزمەتى.
كۇدىكتى وقۋشىدان الىنعان قالتا پىشاعى زاتتىق ايعاق رەتىندە قىلمىستىق ءىس ماتەريالدارىنا قوسىلعان. اتالعان دەرەك بويىنشا تەرگەۋ جۇمىستارى تالعار ا ءى ءى ب- نا تاپسىرىلدى.
