استانادا الىپ لابيرينت سالىنادى

الايدا اتالعان جوبا جەرگىلىكتى بيلىكتىڭ ەسەبىنەن سالىنادى، دەپ حابارلايدى قازاقپارات ءتىلشىسى.

ايتا كەتكەن ءجون، بيىل استاناداعى ەڭ ۇلكەن مۇز قالاشىعى EXPO ايماعىندا ورنالاسپاق. قالانىڭ باس شىرشاسى دا وسى جەردە قويىلادى. شىرشانىڭ الدىندا ساحنا، ال ەكى جاعىندا ۇلكەندەرگە ارنالعان ەكى سىرعاناۋ توبەشىگى بولادى.

بيىكتىگى بەس مەتر، ال ۇزىندىعى 40 مەتر بولسا، بالالاردىڭ توبەشىكتەرى 14 مەترگە دەيىن سوزىلادى. بيىكتىگى 2,5 مەتردەن اسپايدى.

بۇدان بولەك، سان الۋان مۋلتيپليكاتسيالىق پەرسوناجداردىڭ مۇسىندەرى قۇيىلادى. الەمگە ايگىلى حرۋستال قامالدىڭ (Crystal Palace) كوشىرمەسى دە جاسالادى. ونىڭ ءتۇپ نۇسقاسى 1851-جىلعى بۇكىل الەمدىك كورمە اياسىندا لوندوننىڭ گايد-ساياجايىندا سالىنعان بولاتىن.

«ال امفيتەاترعا جاقىن جەردە مۇزدان لابيرينت جاسالادى. ول بولەك تۇراتىن شىعار. بۇل جۇمىسقا استانا اكىمدىگى جاۋاپتى. سەبەبى بيىل قالانىڭ باس شىرشاسى دا، مۇز قالاشىعى دا وسى جەردە ورنالاسادى»، - دەيدى ۇلتتىق كومپانيانىڭ وكىلدەرى.

ەسكيزگە سايكەس، لابيرينت توسقاۋىلدارىنىڭ بيىكتىگى 1,2-1,4 مەتر بولادى. ال اۋدانى 40/40 مەتردى الىپ تۇرادى. قاق ورتاسىندا EXPO- نىڭ لوگوتيپى بولادى. مۇزدىڭ اراسىنا ديودتى شامدار دا ورناتىلادى.

ايتا كەتەيىك، بۇگىن EXPO ايماعىندا جەبە پىشىندەس مۇز ايدىنى اشىلعان بولاتىن. ونىڭ استىنا توڭازىتقىش قۇرالدارى ورناتىلدى. ءسويتىپ، جىلى اۋا-رايىنا قاراماستان، اشىق اسپان استىنداعى مۇز ايدىنىن اشۋعا مۇمكىندىك تۋدى. اتالعان جوباعا 300 ميلليون تەڭگە جۇمسالدى. كىرۋ بيلەتتەرى دە ارزان ەمەس.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى