شالعاي اۋداننان ينسۋلت ورتالىعى اشىلدى

ەندى ماقتارال اۋدانىنىڭ تۇرعىندارى وبلىس ورتالىعىنا بارماي-اق دەنساۋلىقتارىن تەكسەرتە الادى، دەپ حابارلايدى قازاقپارات ءتىلشىسى.

360 مىڭ تۇرعىنى بار ماقتارال اۋدانىندا جۇرەك-قان تامىر اۋرۋلارى مەن ينسۋلتتەن زارداپ شەككەندەر قاتارى ارتىپ وتىر.

جاڭادان اشىلعان مەديتسينالىق ورتالىق ەندى اتالمىش دەرتتەردىڭ الدىن الۋ ماقساتىندا ۇلت جوسپارىنداعى مىندەتتەردى ىسكە اسىرماق. ماقتالى اۋدانىنىڭ ورتالىق اۋرۋحاناسى جانىنان اشىلعان ورتالىقتىڭ جوعارى تەحنولوگيالىق تەكسەرۋ مۇمكىندىگى بار.

وزىق ۇلگىدەگى مەديتسينالىق قۇرىلعىنى الۋ ءۇشىن رەسپۋبليكالىق بيۋدجەتتەن 360 ميلليون تەڭگە ءبولىندى. بۇل سۋ جاڭا مەديتسينالىق تەحنولوگيا باس، مي، ىشكى اعزالار مەن بۇكىل سۇيەك جۇيەسىن زەرتتەپ، قان تامىرلارى اۋرۋلارىن انىقتاي الادى.

جاڭادان اشىلعان ورتالىققا الماتى قالاسىندا ارنايى دايىندىق كۋرسىن ءبىتىرىپ كەلگەن 5 مامان بەكىتىلدى. ورتالىقتا مەديتسينا قىزمەتكەرلەرىنىڭ قالىپتى جۇمىس ىستەۋىنە بارلىق جاعداي جاسالعان.

ايتا كەتۋ كەرەك، اۋداندا الداعى ۋاقىتتا 7 مەديتسينالىق بەكەتتى ىسكە قوسۋ جوسپاردا بار. 11 فەلدشەرلىك-اكۋشەرلىك پۋنكت تە ەل يگىلىگىنە قىزمەت ەتەتىن بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى