ساتبايەۆ تۇرعىنى ساۋدا ورتالىعىن «جارىپ جىبەرمەك» بولدى

شۇعىل قابىلدانعان شەشىممەن ءتارتىپ ساقشىلارى ادامداردى ساۋدا ۇيىنەن عانا ەمەس، جاقىن ماڭدا ورنالاسقان تۇرعىن ۇيلەردەن دە ەۆاكۋاتسيالاعان، دەپ حابارلايدى قازاقپارات ءتىلشىسى.

«ساۋدا ورتالىعىنان - 40، كورشى تۇرعان ۇيلەردەن 30 ادام قاۋىپسىز جەرگە شىعارىلدى. قاراعاندى وبلىسى ىشكى ىستەر دەپارتامەنتىنىڭ وقۋ- جاتتىعۋ جاساعىنىڭ قىزمەتكەرلەرى عيماراتتى، ونىڭ ءاربىر بۋتيگىن، قوسالقى بولمەلەرىن قاراپ شىقتى. كۇدىكتى ەشبىر زات تابىلمادى. 34 جاستاعى جەرگىلىكتى تۇرعىن شۇعىل تۇردە انىقتالىپ، ۇستالدى»، - دەپ ءمالىم ەتتى ءى ءى د باسپا ءسوز قىزمەتىنىڭ باسشىسى باقتيار قۇدياروۆ.

ەر ادام قىلمىسىن مويىندادى. ودان قوڭىراۋ جاسالعان ۇيالى تەلەفون الىندى. سوتقا دەيىنگى تەرگەپ-تەكسەرۋ امالدارى ق ر قىلمىستىق كودەكسىنىڭ 273-بابى («لاڭكەستىك اكتىسى تۋرالى كورىنەۋ جالعان حابار بەرۋ») بويىنشا جۇرگىزىلۋدە. كۇدىكتى ۋاقىتشا وقشاۋلاعىشقا قامالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى