ماسكەۋدەگى فورۋمدا قازاقستانداعى اتوم ەنەرگەتيكاسىنىڭ دامۋى تۋرالى ايتىلدى

دەپ حابارلايدى «قازاقپارات» ح ا ا مەنشىكتى ءتىلشىسى.

ءىس- شاراعا جاقىن جانە الىس شەت ەلدەردىڭ ءبىرقاتار اتوم ەنەرگەتيكاسى وكىلدەرى، سونداي- اق قازاقستاندىق تاراپتان قازاقستاننىڭ يادرولىق قوعامى (قياق) قاتىستى. دوڭگەلەك ۇستەل بارىسىندا قياق ديرەكتورى ناتاليا جدانوۆا قازاقستاندا جۇرگىزىلىپ جاتقان حالىقتىڭ اتوم ەنەرگەتيكاسى تۋرالى وبەكتيۆتى قوعامدىق پىكىرىن قالىپتاستىرۋ بويىنشا جۇمىستارى جايلى ايتتى.

«اتومدىق تەحنولوگيالاردىڭ مەديتسينادا، ونەركاسىپتە جانە باسقا سالالاردا قولدانىلاتىندىعىن ءبارى بىلە بەرمەيدى. سونىمەن قاتار، قازاقستاندا اتوم سالاسى مەن يادرولىق تەحنولوگيالار بەلسەندى دامىپ كەلەدى»، - دەدى ن. جدانوۆا قياق جۇمىسىنىڭ باعىتى تۋرالى.

 «باستى ماقسات - اتوم ەنەرگەتيكاسىنىڭ دامۋى تۋرالى وبەكتيۆتى اقپارات بەرۋ. ونىڭ پايدالى جاقتارى كوپ. ادامدار ول تۋرالى حاباردار بولىپ، مۇمكىندىكتەرىن دۇرىس باعالاۋى ءتيىس»، - دەپ اتاپ ءوتتى ول.

 ونىڭ ايتۋىنشا، وسى ماقساتتا رەسپۋبليكادا ەكى جىلدان بەرى اتوم ەنەرگياسى جونىندەگى اقپاراتتىق ورتالىق جۇمىس ىستەپ جاتىر. ول بارلىق تۇرعىندارعا تەگىن قىزمەت كورسەتەدى. سونداي- اق، قياق ديرەكتورى وسى جۇمىستى جۇزەگە اسىرۋعا يندۋستريا 4.0. باعدارلاماسىنىڭ ىقپال ەتىپ جاتقانىن تىلگە تيەك ەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى