باس پروكۋرور سوتتى نەدەن قورعاۋ كەرەكتىگىن ايتتى

  «سوتتى تەرگەۋشىلەردىڭ ەموتسياسىنان، ايىپتاۋشىنىڭ ەكپىنىنەن قورعاۋىمىز كەرەك. ياعني سوتتا ادامنىڭ كىناسى تۋرالى الدىن الا پىكىر قالىپتاسپاۋى قاجەت. سوندىقتان دا ءبىز تەرگەۋشىلەردىڭ سۋديالارعا تىكەلەي بايلانىسىنا توسقاۋىل قويۋعا ءتيىسپىز. سونىمەن قاتار الداعى ۋاقىتتا سۋديالارعا قىلمىستىق ىستەردى ەمەس، تەك ايىپتاۋشى اكتىلەردى تاپسىرۋ ءۇشىن، بۇل ماسەلەنى قازىردەن باستاپ قاراستىرۋ كەرەك. نەگە؟ سەبەبى وسى قادام ادامنىڭ ايىپتىلىعى تۋرالى تەرگەۋشى قۇرعان سيپاتتامانى پروتسەسكە ءماجبۇرلى تۇردە ەنگىزبەۋ ءۇشىن قاجەت بولىپ تۇر»، - دەيدى باس پروكۋرور.

ج. اسانوۆ وسى جاعدايدا پروكۋرور مەن قورعاۋشى تاراپى سوتقا ماتەريالداردى پروتسەسس باراسىندا ۇسىناتىنىن جەتكىزدى.

«ءدال سول جەردە ماتەريالعا باعا بەرىپ، ولاردى دالەلگە جاتقىزۋ نەمەسە جاتقىزباۋ مارتەبەسىن ايقىنداۋ كەرەك. بۇل ءوز كەزەگىندە تاراپتاردىڭ باسەكەلەستىگىنە ىقپال ەتەدى»، - دەدى باس پروكۋرور.

 ايتا كەتەيىك، جاقىپ اسانوۆ اقتاۋ ۇكىمدەرى نەگە از كەزدەسەتىندىگىن ءتۇسىندىردى.

«تەرگەۋشى ءىس بويىنشا ماتەريالداردى جينايدى جانە ونى دالەل رەتىندە تانيدى. ال قورعاۋشى جاعىندا مۇنداي قۇقىق جوق. بۇل ءوز كەزەگىندە تاراپتاردىڭ باسەكەلەستىگىنە ىقپال ەتپەيدى. سوندىقتان دەرەكتەردى دالەل رەتىندە تانۋ نەمەسە تانىماۋ تەرگەۋشى مەن پروكۋرورعا ەمەس، سوتقا تيەسىلى بولۋى كەرەك»، - دەدى ول.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى