قورعاستا شىعىس مەديتسيناسى ورتالىعى اشىلادى
«قورعاس» حالىقارالىق شەكارا ماڭى ىنتىماقتاستىق ورتالىعىندا اتالعان مەديتسينالىق مەكەمەنىڭ تانىستىرىلىمى ءوتتى. قازاقستاندىقتار بۇدان بىلاي كورشى ەلدىڭ حالىقتىق مەديتسيناسىمەن ەمدەلۋ ءۇشىن قىتايعا ءوتىپ اۋرەلەنبەيدى. جاركەنت پەن قورعاستا جاتىپ، قاجەتتى ەم- دومىن قابىلداي بەرەدى. دەمەك، ەندى ۆيزا راسىمدەۋدىڭ دە كەرەگى بولمايدى. شەكارادان جەكە كۋالىكپەن ءوتىپ، قورعاستا ءبىر اي بويى ەمىن- ەركىن ءجۇرىپ تۇرا الادى. ناۋقاستار ەم الۋىن ارى قاراي جالعاستىرعىلارى كەلسە، ءبىر كۇنگە قازاقستان اۋماعىنا ءوتىپ، قايتا كىرسە، حالىقارالىق شەكارا ماڭى ىنتىماقتاستىق ورتالىعىنىڭ اۋماعىندا تاعى ءبىر اي بولۋ مۇمكىندىگىنە يە بولادى. بۇل اسىرەسە اۋىر جاعدايداعى ناۋقاستار ءۇشىن ۇلكەن كومەك. بۇرىن ۆيزا راسىمدەۋ ءۇشىن بىرنەشە كۇن كۇتۋگە تۋرا كەلەتىن. ماماندار وسىلاي دەيدى.
ەرمەك نۇراحمەتوۆ، جاركەنت قالاسىنىڭ اكىمى:
- ول كىسىلەرمەن ءبىزدىڭ جاركەنت قالاسىندا تىكەلەي مەديتسينا تۋريزمىن دامىتساق دەگەن ويىمىز بار. سول مەديتسينالىق تۋريزمدى ءبىز وسى جاركەنتكە اكەلىپ، قانشاما سۇيەك اۋرۋلارى بار، سول ەمنىڭ شيپالىق قاسيەتتەرىن الىپ، ءبىز سونى ءوزىمىزدىڭ اۋىلعا، اۋدانىمىزعا الىپ كەلسەك دەگەن ويىمىز بار.
گو يۋن چان، «قورعاس» شىعىس مەديتسيناسى ورتالىعىنىڭ ديرەكتورى:
- قازاقستان مەن قىتاي حالىق رەسپۋبليكاسىنىڭ دوستىعى جىلدان جىلعا نىعايىپ كەلەدى. وسى مۇمكىندىكتى پايدالانا وتىرىپ نەگە حالىققا قىزمەت كورسەتپەسكە. كەلەر جىلى اشىلاتىن جاڭا ورتالىق شىنجاڭداعى ەڭ ۇلكەن اۋرۋحانامىزدىڭ فيليالى بولادى. بىزدە 62 ءتۇرلى ەرەكشە ءشوپ- ءدارى بار. بۋىن- بۋىنى سىرقىراپ، سۇيەگى قاقسايتىن ناۋقاستار سول ەمدىك ءشوپ دارىلەردىڭ كومەگىمەن قۇلان- تازا ايىعىپ شىعادى.
www.24.kz
