كاسىپكەرلەرگە كەدەرگى كەلتىرگەندەرگە جاۋاپكەرشىلىكتى كۇشەيتۋ قاجەت - «اتامەكەن» ۇ ك پ
مۇنداي پىكىردى بۇگىن «اتامەكەن» ق ر ۇ ك پ ءتورالقاسىنىڭ ءتوراعاسى تيمۋر قۇلىبايەۆ ءبىلدىردى، دەپ حابارلايدى قازاقپارات.
«ءبىز كەرى بايلانىس قۇرالى مەملەكەتتىك قىزمەت ىستەرى اگەنتتىگىمەن بىرلەسىپ جۇمىس ىستەۋدەمىز. ماسەلەن، سالىقشىلار كاسىپكەرگە اسىرا سالىقتىق تالاپ ەسەپتەدى دەيىك. ال ودان كەيىن سوت ارقىلى ۇزاققا سوزىلاتىن ءمان- جايدى انىقتاۋ پروتسەسى جۇرەدى. بۇل ادامداردىڭ ۋاقىتىن الىپ، قاراجاتىن شىعىندايدى»، - دەدى تيمۋر قۇلىبايەۆ ەلىمىزدىڭ باس پروكۋراتۋراسىندا وتكەن «كاسىپكەرلىك سالاسىنداعى پروكۋراتۋرا قاداعالاۋى» اتتى بيزنەستى قورعاۋ جونىندەگى ەكىنشى فورۋمدا.
وسى رەتتە ول الداعى ۋاقىتتا زاڭعا ەنگىزىلەتىن وزگەرىستەردە مەملەكەتتىك قىزمەتشىنىڭ جاۋاپكەرشىلىگىن ارتتىرۋ ماسەلەسىن قاراستىرۋ قاجەتتىگىن باسا ايتتى.
«جاڭا وزگەرىستەر بارىسىندا مەملەكەتتىك قىزمەتشىنىڭ جاۋاپكەرشىلىگىنىڭ ارتقانىن قالايمىز. ءبىز ستاتيستيكانى قارادىق. بۇگىندە «مەملەكەتتىك قىزمەت تۋرالى» زاڭدا ولاردىڭ ىستەگەن ارەكەتى ءۇشىن جاۋاپ بەرۋى تيىستىگى تۋرالى نورما بار. ءبىراق، وكىنىشكە وراي ءىس جۇزىندە كاسىپكەرلىك قىزمەتكە كەدەرگى كەلتىرىلگەندىگى دالەلدەنگەندەردىڭ ءوزى ارى كەتكەندە اكىمشىلىك جانە تارتىپتىك جازاعا تارتىلادى. ءبىز بۇل ادامداردى بارىنشا جازالاۋىمىز قاجەت»، - دەدى ول.
ونىڭ پايىمىنشا، كاسىپكەر ءوزىنىڭ جان- جاقتى قورعالعانىن سەزىنۋ ءۇشىن زاڭنامادا مەملەكەتىك قىزمەتشىگە بارىنشا قاتاڭ شارالار كوزدەلۋى ءتيىس.
«بۇل باعىتتا جۇمىس ىستەپ تە جاتىرمىز. مەنىڭشە، بۇل باس پروكۋراتۋرامەن بىرلەسكەن جۇمىسىمىزدا باسىمدىق بەرىپ وتىرعان ماسەلەلەردىڭ ءبىرى. مەملەكەتتىك قىزمەتشىنىڭ جاۋاپكەرشىلىگى كوتەرىلۋى ءتيىس، شىن بولۋى قاجەت. بۇل ماسەلەدە مەملەكەتتىك قىزمەت ىستەر اگەنتتىگىمەن بەلسەندى ىنتىماقتاسۋدامىز. جاقسى ناتيجەلەلەر دە بار»، - دەدى تيمۋر قۇلىبايەۆ.
اۆتور: مارلان جيەمباي
