نۇرگۇل قاراعويشينا: پروكۋرور ءۇشىن ءبىرىنشى مىندەت - قازاق ءتىلىن ءبىلۋ

دەپ حابارلايدى «قازاقپارات» ح ا ا ءتىلشىسى.

«پروكۋراتۋرا وزدەرىڭىز بىلەتىندەي، قالىپتاسىپ قالعان ورگان. پروكۋراتۋرا ورگاندارىنا ىشكى ىستەر ورگاندارىندا تەرگەۋ كەزىندە قارالعان قۇجاتتار كەلىپ تۇسەدى. سول سەبەپتى، وسى كەلىپ تۇسكەن قۇجاتتاردى قاراۋ كەزىندە قازاق جانە ورىس تىلىندە دە ىستەردى قاراي الاتىن پروكۋرورلار وتىر. باس پروكۋروردىڭ ءوزى ەكى تىلدە ەركىن سويلەي الاتىن، سوزگە شەشەن باسشى ەكەنىن بىلەسىزدەر. قازىر تالاپ وزگەردى. ءبىر ءتىلدى بىلەتىن ماماننان گورى تاڭداۋ ەكى نەمەسە ءۇش ءتىلدى بىلەتىن مامانعا تۇسەدى. سوندىقتان، قازىرگىدەي باسەكەلەستىك زاماندا، اركىم جاقسى جەردە وتىرعىسى كەلەتىن ۋاقىتتا نەمەسە ءوزىن كورسەتكىسى كەلەتىن كەزدە پروكۋرور ءۇشىن ءبىرىنشى كەزەكتە مەملەكەتتىك ءتىلدى ءبىلۋ مىندەت»، - دەيدى نۇرگۇل قاراعويشينا.

باس پروكۋروردىڭ كەڭەسشىسىنىڭ ايتۋىنشا، قازاقستانداعى پروكۋرورلاردىڭ 80 پايىزعا دەرلىگى قازاق ءتىلىن مەڭگەرىپ العان.

 «ءبىراق، جۇمىس بابىنا بايلانىستى قۇجاتتار اينالىمى كوبىندە ورىس تىلىندە جۇرەدى. سەبەبى، ارىز جازۋشى ءوز حالقىمىز شاعىمىن ورىس تىلىندە جازىپ الىپ كەلەدى. سوندىقتان، ءوزىمىز حالىق بولىپ، ۇلت بولىپ، باستامانى قازاق تىلىندە ايتپاساق، وندا جاۋاپ تا سونداي بولادى. سول ءۇشىن بايلانىس ەكى جاقتى بولسىن دەگىم كەلەدى. سول كەزدە ءبىزدىڭ شارۋامىز رەتتەلەر ەدى»، - دەيدى ول.

 ەسكە سالا كەتسەك، بۇعان دەيىن نۇرگۇل قاراعويشينا ەلباسىنىڭ «رۋحاني جاڭعىرۋ» باعدارلاماسىن جۇزەگە اسىرۋ ماقساتىندا ق ر باس پروكۋراتۋراسىنىڭ باستاماسىمەن «رۋحاني جاڭعىرۋ - پاتريوتيزم نەگىزى» اتتى ۆەدومستۆوارالىق بايقاۋ وتەتىنىن حابارلاعان بولاتىن. ونىڭ ايتۋىنشا، بيىلعى بايقاۋعا 6 مەملەكەتتىك ورگان قاتىسادى. ولار - باس پروكۋراتۋرا، قر ۇقق شەكارا قىزمەتى، مەملەكەتتىك كۇزەت قىزمەتى، مەملەكەتتىك قىزمەت جانە سىبايلاس جەمقورلىققا قارسى ءىس- قيمىل اگەنتتىگى، ق ر قورعانىس مينيسترلىگى مەن ق ر ءى ءى م.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى