حابار ارناسى جاڭا جىلدا كومەديا جانرىنداعى «سىرلاستار» تەلەحيكاياسىن ۇسىنادى

 وقيعا پەرزەنتحانادا ءبىر كۇندە بوسانعان ءۇش ايەلدىڭ تانىسۋىنان باستالادى. كەيىن ولار دوستاسىپ، ءجيى ارالاسىپ تۇرادى. كەيىپكەرلەردىڭ ءارقايسىسىنىڭ ءوز تاعدىرى، قۋانىشى مەن مۇڭى بار. ءوزارا سىرلاسىپ، شەر تارقاتۋ ءۇشىن ءبىر جەردە كەزدەسىپ تۇرادى.

 «جالپى بۇل تەلەحيكايا ايەل باسىنداعى كۇندەلىكتى كۇيبەڭ تىرلىكتى كورسەتەدى» دەيدى رەجيسسەر.

 ەدىلحان تولەشيەۆ، رەجيسسەر:

 - رەجيسسەر رەتىندە بۇل مەنىڭ العاشقى جۇمىسىم. تاجىريبەلى اكتەرلەر شاقىرتىلدى. ءتۇسىرۋ توبى دا ۇيىمشىل. ءتۇسىرۋ جۇمىستارى ءساتتى بولادى دەگەن سەنىمدىمىن.

 ەدىلحان تولەشيەۆ ەكى جىل فرانسيادا ءبىلىم الىپ، كينو ءتۇسىرۋ ونەرىن ۇيرەنىپ، كومەديا جانرىنىڭ قىر- سىرىن مەڭگەرگەن. سوندىقتان، بۇل سەريال قىزىقتى بولۋى ءتيىس، دەيدى شىعارماشىلىق توپ مۇشەلەرى. بۇدان بولەك بالا تاربيەسى مەن انالاردىڭ ءتۇرلى مىنەز- قۇلقى كورسەتىلەدى.

تىنىشكۇل سۇلتانبەرديەۆا، ق ر ەڭبەك سىڭىرگەن قايراتكەرى:

- ءبىز كىشكەنتاي كۇنىمىزدەن انالارىمىزدىڭ «ءاي» دەگەن قاباعىنا، «ءاي» دەگەن سوزىنە توقتاپ وسكەن بالالارمىز عوي. مىسالى مەن جالپى ومىردە بۇنداي قاتاڭ كىسى ەمەسپىن.

جالپى «سىرلاستار» تەلەحيكاياسى 12 سەريادان تۇرادى. جوسپارعا سايكەس كورەرمەن نازارىنا كەلەر جىلدىڭ اقپان ايىندا ۇسىنىلادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى