داريعا نازاربايەۆا «ەل قورعانى» مەدالىمەن ماراپاتتالدى
قورعانىس مينيسترلىگىنىڭ باسشىسى د. نازاربايەۆاعا ەلدىڭ قورعانىس قابىلەتىنە قولداۋ ءبىلدىرىپ، جاستاردى اسكەري-پاتريوتتىق تاربيەلەۋگە بەلسەندى ۇلەس قوسقانى ءۇشىن العىس ايتتى.
«جوعارى سەنىم بىلدىرگەندەرىڭىز ءۇشىن راحمەت. شىن جۇرەگىممەن جاس جاۋىنگەرلەرىمىزدى قولدايمىن. اسكەري-پاتريوتتىق قوزعالىستىڭ ەلىمىز ءۇشىن اسا ماڭىزدى دەپ ەسەپتەيمىن. سەبەبى رۋحاني تاربيە مەن وتانعا دەگەن سۇيىسپەنشىلىكتى ءسىڭىرۋ ارقىلى جاس بالالاردىڭ تۇتاس بۋىنى ءوسىپ كەلەدى. ولار ءومىردىڭ ءتۇرلى سالالارىندا ءوز ورىندارىن تابادى. بىرەۋى كاسىبي اسكەري، بىرەۋى - گەنەرال، ەندى ءبىرى - جوعارى باس قولباسشى بولاتىن شىعار. نەگە بولماسقا؟ بۇل جول بارىنە اشىق»، - دەدى دەپۋتات اسكەري-پاتريوتتىق جۇمىستاردى جەتىلدىرۋگە ارنالعان ۆەدومستۆوارالىق كەزدەسۋدە.
د. نازاربايەۆا ءدال قازىرگى ۋاقىتتا جاستاردا وتانعا دەگەن سۇيىسپەنشىلىك تۋرالى نەگىزگى تۇسىنىكتىڭ قالىپتاسىپ كەلە جاتقانىن اتاپ ءوتتى.
كەزدەسۋگە كەلگەن وقۋشىلارعا دەپۋتات مىقتى ءارى شىمىر بولۋدى تىلەدى جانە قاي جەردە جۇرسە دە، ەلگە قالتقىسىز قىزمەت ەتۋگە شاقىردى.
ەسكە سالا كەتسەك، قورعانىس مينيسترلىگىنىڭ ۇزدىك اسكەري قىزمەتشىلەرىنە بەرىلەتىن «ەل قورعانى» ۆەدومستۆولىق مەدالى بيىلعى ناۋرىز ايىندا تاعايىندالعان.
اۆتور: ايجان سەرىكجان قىزى
