الەمدەگى «شيەلەنىس وشاعىنان» «قازاقپارات» رەپورتاجى: پەشاۆار - فوتو
لاڭكەستىككە قارسى كۇرەستىڭ تولاسسىز جۇرگىزىلىپ جاتقانىنا قاراماستان پاكىستاننىڭ حايبەر-پاحتۋنحۆا پروۆينتسياسىنىڭ اكىمشىلىك ورتالىعى پەشاۆار ءالى كۇنگە ەلدەگى قاۋىپتى اۋدانداردىڭ ءبىرى رەتىندە قالىپ كەلەدى.
كورشى اۋعانستان جانە فەدەرالدى ورتالىقتىڭ ءامىرى جۇرمەيتىن، بۇكىل بيلىك تايپاباسىلاردىڭ قولىنا وتكەن «تايپالار ايماعى» دەپ اتالاتىن اۋماق لاڭكەستىك ارەكەتتەردىڭ باستى وشاعى بولىپ وتىر.
پەشاۆار تايپالار ايماعىنا كىرمەيدى، الايدا ونىڭ ورنالاسقان جەرى جانە حالقىنىڭ تىعىز بولۋى قالانى لاڭكەستىك شابۋىلدار ءۇشىن قولايلى نىساناعا اينالدىرىپ وتىر. پاكىستان استاناسى يسلاماباد پەن پەشاۆاردى اقىلى م-1 فەدەرالدى تراسساسى بايلانىستىرادى.
ەكى قالانىڭ اراقاشىقتىعى 160 كيلومەتردى قۇرايدى. 1 ا ق ش دوللارى كولەمىندەگى (اۆتوكولىكتىڭ تۇرىنە قاراي) جول ءجۇرۋ اقىسىن جۇرگىزۋشىلەر ناقتىلاي تولەيدى.
قالاعا كىرەتىن جولداردى كوپتەگەن پوستار قورعايدى. پەشاۆاردىڭ ورتالىق بولىگىندە قازىر قۇجىناعان ادام، قايناعان ءومىر، جاندانعان تىرشىلىك بيلىك قۇرعان.
ورتالىقتا نەگىزى جولدار كۇردەلى جوندەۋدەن وتۋدە. پەشاۆاردىڭ كورىكتى جەرلەرىنىڭ ءبىرى - 2000-جىلدان استام تاريحى بار بالاحيسار فورتى.
پەشاۆاردىڭ قارقىنمەن دامىپ كەلە جاتقانىن ەسكەرسەك، فورت قالانىڭ ورتالىق بولىگىندە ورنالاسقان دەۋگە بولادى. وندا پاكىستاننىڭ سولتۇستىك-باتىس شەكارالىق كورپۋسىنىڭ شتابى ورنالاسقان.
كورپۋس پولكوۆنيگى كامران مىرزانىڭ ايتۋىنشا، پاكىستاننىڭ شەكارالىق كورپۋسى (اعىل. Frontier Corps) پاكىستاننىڭ فەدەرالدى باسقارىلاتىن اسكەريلەندىرىلگەن قۇرىلىمدارى بولىپ تابىلادى.
نەگىزىنەن تايپالار ايماعىنىڭ تۇرعىندارى ەسەبىنەن تولىقتىرىلادى. اسكەري قىزمەتشىلەردىڭ جالپى سانى 80000 ادامعا جەتەدى. بۇرىن تۇرمە بولعان فورتتىڭ جەرتولەسى قازىر كىشىگىرىم مۋزەيگە اينالدىرىلعان.
مۇندا «يسلام مەملەكەتى» سودىرلارىنىڭ جالاۋى دا ەكسپونات رەتىندە قويىلعان. مۋزەيدىڭ باسىم بولىگىندە ەسكى قارۋ-جاراقتار، ءوڭىر تايپالارىنىڭ ۇلتتىق كيىمدەرى، تۇرمىستىق كەرەك-جاراقتارى تۇر.
فورت قوناقتارىن قامالدىڭ قۇرمەتتى قاراۋىلى قارسى الادى. بالاحيسار فورتىنىڭ كورۋ الاڭىنا شىقساڭىز، قالانىڭ پانوراماسى كوز الدىڭىزدا تۇرا قالادى. حايبەر-پاحتۋنحۆا پروۆينتسياسىنىڭ گۋبەرناتورى يقبال زافار دجاگگرانىڭ سوزىنە قاراعاندا، ءوڭىر ەلدەگى بۇكىل ج ءى ءو- ءنىڭ %10 ءىن، ال پايدالى قازبالاردىڭ %20 ءىن بەرەدى.
وتكەن كورسەتكىشتەرمەن سالىستىرعاندا ەكونوميكا 3,6 ەسەگە ارتقان. اۋىل شارۋاشىلىعى ءوڭىر ەكونوميكاسىنىڭ ماڭىزدى سەكتورى رەتىندەگى ءرولىن ساقتاپ كەلەدى، مۇندا ءبيداي، كۇرىش، جۇگەرى، تەمەكى، قانت قىزىلشاسى سياقتى كوكونىس تۇرلەرى مەن الۋان ءتۇرلى جەمىستەر وسەدى. ي. دجاگگرا ءوڭىردىڭ قازاقستان وكىلدەرىمەن ىنتىماقتاستىق جاساۋعا اشىقتىعىن جانە دايىن ەكەنىن تىلگە تيەك ەتتى.
