قاراعاندىلىق پوليتسەي ارىپتەسىنە وق اتتى
زارداپ شەگۋشى قولىنا العان جاراقاتپەن وبلىستىق مەديتسينالىق ورتالىققا جەتكىزىلدى، دەپ حابارلايدى قازاقپارات ءتىلشىسى.
الدىن الا مالىمەت بويىنشا، تابەلدى قارۋدان وق كەزدەيسوق اتىلىپ كەتكەن. تاپانشادان اتقان پوليتسەي قىزمەتتىك كولىكتىڭ جۇرگىزۋشىسى بولىپ جۇمىس ىستەيدى.
زارداپ شەگۋشى - ورتالىق اۋداندىق ىشكى ىستەر ءبولىمى انىقتاۋ ءبولىمىنىڭ انىقتاۋشىسى.
پوليتسيا قىزمەتكەرى قىزمەتتىك كابينەتتەن تاپانشانى نەلىكتەن الىپ شىققانى جانە ونىڭ تابەلدىك قارۋدى قانشالىقتى پايدالانا بىلەتىندىگى قازىر انىقتالۋ ۇستىندە.
پروكۋراتۋرادان ءمالىم ەتكەندەي، كۇدىكتى قاماۋعا الىنعان جوق. وعان قاتىستى قوعامنان وقشاۋلاۋمەن بايلانىستى ەمەس بۇلتارتپاۋ شاراسى قولدانىلدى. اتالمىش اۋداندىق ىشكى ىستەر بولىمىندە بۇل ءبىرىنشى وقيعا ەمەس.
بۇعان دەيىن ءۇشىنشى قاباتتاعى تەرەزەدەن الاياقتىق كۇدىگىمەن ۇستالعان ادام سەكىرىپ كەتكەن بولاتىن. ونىڭ العان جاراقاتتارىنا قاراماستان، ورتالىق ءبولىمنىڭ پوليتسەيلەرى ونى عيمارتقا قايتا كىرگىزىپ، جاۋاپ الۋدى جالعاستىرعان.
ول اۋىرسىنۋدان ەسىنەن تانا باستاعان كەزدە عانا جەدەل جاردەن شاقىرىلعان. دارىگەرلەر «باس-ميىنىڭ شايقالۋى جانە قولىنىڭ سىنۋى» دياگنوزىن قويدى. ول وزىنە قاتىستى كۇش كورسەتىلگەنىن ايتىپ بەردى.
