استانادا قىلمىستىق كورسەتكىش ازايعان

 استانا قالالىق ءى ءى د- ءنىڭ باستىعى امانتاي اۋباكىروۆتىڭ ايتۋىنشا، قالادا تىركەلگەن قىلمىستىڭ باسىم بولىگىن سىرتتان كەلگەن ازاماتتار جاسايدى، دەپ حابارلايدى ەلوردا اكىمدىگىنىڭ مەديا ورتالىعى.

 «سەرگەك» بەينەباقىلاۋ كامەرالارىنىڭ كومەگىمەن19 قىلمىستىڭ بەتى اشىلدى. 1,9 مىڭنان استام (1949) اكىمشىلىك قۇقىق بۇزۋشىلىق پەن 608 جقە بۇزۋ فاكتىسى انىقتالدى. تاجىريبە كورسەتىپ وتىرعانداي، قالادا تىركەلگەن قىلمىستاردىڭ باسىم بولىگىن وزگە وڭىرلەردىڭ ازاماتتارى جاساعان» ، - دەدى استانا اكىمدىگىندە وتكەن اپپارات جينالىسىندا ءى ءى د- ءنىڭ باستىعى امانتاي اۋباكىروۆ.

دەپارتامەنت باستىعى 15 - قاراشادا ەلوردادا 12 كەڭسەگە قاراقشىلىق شابۋىل جاساعان ب ق و، ش ق و جانە اقمولا وبلىستارىنىڭ تۇرعىندارى ۇستالعانىن ايتتى. بۇعان قوسا، ەليتالى كولىكتەردى ۇرلاۋمەن اينالىسقان ەكى قىلمىستىق توپ قولعا ءتۇستى. ايتا كەتەيىك، بۇگىندە استانادا 983 شەتەلدىك ازامات پەن (ونىڭ 336 الىس شەت ەلدەردەن، 647 ت م د ەلدەرىنەن) 1,3 مىڭنان استام (1359) ق ر ازاماتى ۋاقىتشا تىركەۋدە تۇر. تۇراقتى تىركەۋگە 2724 ق ر ازاماتى الىندى. 85 شەتەلدىك پەن 27 قازاقستان ازاماتى اكىمشىلىك جاۋاپكەرشىلىككە تارتىلدى. جالپى اتالعان ارالىقتا ەلىمىزدىڭ وزگە ايماقتارىنان جانە باسقا ەلدەردەن كەلگەن 37 ادام جاساعان قىلمىسى ءۇشىن قاماۋعا الىندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى