نورۆەگيا كورولى اۋرۋحاناعا جاتقىزىلدى
دەپ حابارلايدى رەسەيلىك ت ا س س اگەنتتىگى.
«جوعارى مارتەبەلى كورول وسلوداعى كورولدىك اۋرۋحاناسىنا جۇما كۇنى جەتكىزىلدى. ونىڭ جاعدايى قاناعاتتانارلىق، ءتاۋىر بولىپ كەلەدى»، - دەلىنگەن حابارلامادا.
سارايدا كورولدىڭ دۇيسەنبى كۇنى وتەتىن شارالارعا قاتىسا المايتىندىعىن اتاپ ءوتتى.
2003 -جىلى قاتەرلى ىسىك تابىلعاندىقتان V حارالدتىڭ قۋىعىن تولىعىمەن الىپ تاستاعان. 2005 -جىلى ونىڭ قولقاسىنا بىرنەشە وتا جاسالدى. سوعان قاراماستان نورۆەگيالىق مونارح ءالى كۇنگە دەيىن سالاۋاتتى ءومىر سالتىن ۇستانۋدى جانە ساياحاتتاۋدى جالعاستىرىپ كەلەدى.
2013 -جىلى پاتشا امازونكانىڭ جىنىس ورماندارىن زەرتتەۋگە شىققان ەكسپەديسياعا قاتىسقان، ەكى جىلدان كەيىن انتاركتيداعا ساياحاتتاعان جالعىز مونارح بولدى. ال 2017 -جىلدىڭ تامىز ايىندا جەلكەندى قايىق سپورتى بليىنشا «سيريا» كورولدىك جارىس قايىعىنىڭ تىزگىنىن ۇستاپ تۇرىپ الەم چەمپيوناتىنا قاتىسقان بولاتىن.
