بيشىمبايەۆ ىسىنە قاتىستى سوت وتىرىسىندا تاعى ءبىر ادام كىناسىن مويىندادى
ءبىراق پارانى دەلدال رەتىندە كىمگە، قاشان تابىستاعانىن ەسىنە تۇسىرە المادى دەپ حابارلايدى استانا ارناسى.
تەرگەۋ مالىمەتىنە سايكەس، اكسيونەرلىك قوعامنىڭ بۇرىنعى قىزمەتكەرى اكراموۆ پارانىڭ كولەمى مەن ونىڭ بەرىلۋ ءادىسى تۋرالى كەلىسىم جۇرگىزىپ وتىرعان. مۇنان كەيىن اقشانى تۋىسى ءارى بۇرىنعى باستىعى اناربايەۆقا جەتكىزگەن. ودان ءارى ءىرى كولەمدەگى پارا بيشىمبايەۆ پەن جاقسىبايەۆتارعا كەتىپ وتىرعان.
اقشانىڭ ءتيىستى ادامدارعا ارنايى جاشىكتەر مەن حاتقالتالار ارقىلى جەتكىزىلگەنى بەلگىلى بولدى. ازيز اكراموۆ كىناسىن مويىنداعىنىمەن، ناقتى كىمگە، قاشان دەلدالدىق جاساعانىن ۇمىتىپ وتىر.
سوتتا «بايتەرەك دۆولوپمەنتتىڭ» تاعى ءبىر ەكس-مەنەدجەرى سادۋاقاس ساپارىمبەتوۆ تەرگەلدى. ول دا كىناسىن مويىندادى. بيشىمبايەۆ ءۇشىن استانا ماڭىنداعى قوسشى ەلدى مەكەنىندە سالىنعان ءزاۋلىم ءۇيدىڭ قۇرىلىسىن تىكەلەي قاداعالاپ وتىرعانىن جايىپ سالدى.
