شىمكەنتتە قاجىمۇقان اتىنداعى حالىقارالىق تۋرنير باستالدى

بەس مەملەكەتتەن كەلگەن 200-دەن استام بالۋان باس جۇلدەگە تىگىلگەن تەمىر تۇلپاردى ساراپقا سالادى، دەپ حابارلايدى قازاقپارات ءتىلشىسى.

 قازاقتىڭ داڭقتى بالۋانى قاجىمۇقان مۇڭايتپاس ۇلى كەزىندە 48 مەملەكەتتە بولعانى، ەشقاشان دا جاۋىرىنى جەرگە تيمەگەنى بارشاعا ءمالىم. سوندىقتان دا قازاق كۇرەسىمەن اينالىساتىن ءاربىر بالۋان باتىر بابامىزدىڭ اتىنداعى تۋرنيرگە قاتىسىپ، ءوز مىقتىلىعىن تانىتۋعا تىرىسادى. بۇل جولى جارىسقا رەسەي، تاجىكستان، قىرعىزستان، وزبەكستان جانە قازاقستاننان ەڭ تاڭداۋلى دەگەن بالۋاندار شاقىرىلدى.

 سونىمەن قاتار، «قازاقستان بارىسىنا» قاتىسىپ، جۇلدە العان بەس بالۋان دا بوز كىلەمدە بەلدەسەدى. ولاردىڭ اراسىندا ۇلان رىسقۇل، مۇحيت تۇرسىنوۆ، جۇمانازار ەرسۇلتانوۆ سىندى اتاقتى سپورتشىلار دا بار. تۋرنيردىڭ تۇيە بالۋانىنا باتىردىڭ جاتقان جەرى، ورداباسى اۋدانىنىڭ اكىمى راشيد قايىپجانوۆ تەمىر تۇلپار تىكتى. جارىستى ۇيىمداستىرۋشىلار اتىنان «نۇر وتان» پارتياسىنىڭ شىمكەنت قالالىق فيلليالىنىڭ ءتوراعاسى ءومىرزاق مەلدەحانوۆ اپايتوس بالۋاندارعا ساتتىلىك تىلەدى. جىل سايىن اۋقىمى كەڭەيىپ كەلە جاتقان بۇل تۋرنيردەن ەلىمىزدىڭ دارىندى بالۋاندارى قاتىسىپ، شەبەرلىكتەرىن شىڭداعان . جەڭىمپازدار مەن جۇلدەگەرلەر الداعى كۇندەرى انىقتالدى.

اۆتور: اينۇر اقبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى