قازاقستاننىڭ جەتىستىگى تەك مۇنايمەن بايلانىستى ەمەس - باقىتجان تەمىربولات
الايدا، شيكىزات مەملەكەتتىڭ گۇلدەنۋىنىڭ نەگىزى ەمەس، وعان باسشىلىق ەتە ءبىلۋ ماڭىزدى. بۇل تۋرالى ق ر پرەزيدەنتى كەڭسەسى باسشىسىنىڭ ورىنباسارى باقىتجان تەمىربولات ايتتى، دەپ حابارلايدى قازاقپارات ءتىلشىسى.
باقىتجان تەمىربولات مۇنداي پىكىردى بۇگىن الماتىدا ءال-فارابي اتىنداعى قازاق ۇلتتىق ۋنيۆەرسيتەتىندە وتكەن «نازاربايەۆ مودەلى» عىلىمي كونفەرەنتسياسىندا ايتتى.
عىلىمي كونفەرەنتسيا ق ر تۇڭعىش پرەزيدەنتى - ەلباسى كىتاپحاناسىنىڭ «ن. نازاربايەۆ: ءداۋىر، تۇلعا، قوعام» كوشپەلى ءبىلىم بەرۋ جانە مادەني-اعارتۋشىلىق كورمە جوباسى اياسىندا ۇيىمداستىرىلدى.
جيىندا باستى بايانداما جاساعان ساياسي عىلىمدارىنىڭ كانديداتى باقىتجان تەمىربولات تاۋەلسىز قازاقستانداعى «نازاربايەۆ مودەلىنىڭ» نەگىزگى ەرەكشەلىكتەرىنە توقتالدى.
«بۇگىنگى ساراپشىلار قازاقستاننىڭ دامۋ مودەلىن «نازاربايەۆ مودەلى» دەپ ايتادى. بۇل كەزدەيسوق جاسالعان قورىتىندى ەمەس. سەبەبى بۇگىنگى قازاقستاننىڭ دامۋ جولىنداعى باعىتتار ەلباسىنىڭ ستراتەگيالىق كوزقاراسى مەن كونتسەپتۋالدى شەشىمدەرى ارقاسىندا جۇزەگە اسىپ وتىر. مىسالى، يادرولىق قارۋدان باس تارتۋ، «قازاقستان 2030» ستراتەگيالىق جوباسىن ازىرلەۋ، استانانى اۋىستىرۋ، سىرتقى ساياساتتاعى كوپ ۆەكتورلى باعىت ۇستانىمدارىن قالىپتاستىرۋ، قازاقستاننىڭ ەۋرازيالىق ەكونوميكالىق وداققا مۇشە بولۋى سىندى تاعدىرشەشتى شەشىمدەردى ايتۋعا بولادى»، - دەدى ول.
سونداي-اق، باقىتجان تەمىربولات قازاقستاننىڭ قازىرگى تاجىريبەسىن ⅩⅩ عاسىردىڭ سوڭى مەن 21-عاسىردىڭ باسىندا ءساتتى مودەرنيزاتسيالىق جوبالارىمەن الەم نازارىن اۋدارتقان وڭتۇستىك كورەيا، سينگاپۋر، گونكونگ، مالايزيا سىندى ەلدەرمەن سالىستىرۋعا بولاتىنىن ايتتى.
«اتالعان ءار مەملەكەتتىڭ ساتتىلىك فورمۋلاسى دا ءارتۇرلى. مىسالى، قازاقستاننىڭ جەتىستىگىن تەك مۇنايمەن بايلانىستىرۋشىلار بار. ول دۇرىس ەمەس. ماسەلەن، ۆەنەسۋەللا - مۇنايدىڭ ەڭ كوپ قورى بار مەملەكەت. بۇل مەملەكەت الەمدەگى مۇناي قورىنىڭ 17,5 پايىزىنا يەلىك ەتەدى. ال، سالىستىرمالى تۇردە ايتسا، قازاقستاندا الەمدىك مۇناي قورىنىڭ 1,80 پايىزى عانا بار. ال، جاھاندىق باسەكەگە قابىلەتتىلىك رەيتينگى بويىنشا 2017-جىلى ۆەنەسۋەللا 137 ەلدىڭ ىشىندە 127-ورىندا تۇر.
لوگيكا بويىنشا، ەگەر ەلدىڭ گۇلدەنۋى شيكىزاتقا بايلانىستى بولسا ۆەنەسۋەللا بۇل تىزىمدە كوش باستاپ تۇرۋى كەرەك ەدى. سول سياقتى، نيگەريا. الەمدىك مۇناي قورىنىڭ 2,20 پايىزىن يەلەنىپ وتىرعان ەل اتالعان رەيتينگتە 125- ورىندا قالعان. بايقاپ وتىرعانىڭىزداي، شيكىزات بايلاعى ەلدىڭ گۇلدەنۋىنىڭ بىردەن ءبىر كەپىلى ەمەس. بايلىققا يەلىك ەتە ءبىلۋ بار دا، ونىڭ دۇرىس باسقارا ءبىلۋ بار. پرەزيدەنت نازاربايەۆ تاۋەلسىزدىكتىڭ العاشقى كۇنىنەن-اق، قازاقستاندى جاڭعىرتۋ جولىن ايقىن كورە ءبىلدى. وسى جىلدار ىشىندە ەلدىڭ دامۋى پرەزيدەنتتىڭ باعىت- باعدارىمەن ءجۇردى. نازاربايەۆتىڭ باسقارۋى ستراتەگيالىق ادىسكە سۇيەنگەن. يدەيادان ارەكەتكە، ارەكەتتەن ناتيجەگە دەيىن. «نازاربايەۆ مودەلى» پراگماتيكالىق تاۋەكەلگە نەگىزدەلگەن»، - دەدى باقىتجان تەمىربولات.
باقىتجان تەمىربولات قازاق ءتىلىنىڭ لاتىن الىپبيىنە اۋىسۋى مادەني جاڭعىرۋدىڭ جاڭا جولى بولاتىنىن ايتتى.
«بيىل ءبىز رۋحاني جاڭعىرۋ جوباسىن جۇزەگە اسىرۋدى قولعا الدىق. ونىڭ العاشقى قادامدارىنىڭ ءبىرى - قازاق ءتىلىنىڭ لاتىن الىپبيىنە اۋىسۋى. بۇل قازاقستاننىڭ مادەني جاڭعىرۋىندا جاڭا جول بولادى» ، - دەدى ول. بۇگىنگى كونفەرەنتسيا اياسىندا م. قاسىمباەكوۆ، ب. تەمىربولات، ت. شايمەرگەنوۆ قۇراستىرعان «نازاربايەۆ مودەلى» كىتابىنىڭ تۇساۋى كەسىلدى.
سونىمەن قاتار، «الەم تانىعان كوشباسشى» كىتاپ كورمەسى اشىلدى. وندا ن. نازاربايەۆتىڭ الەمنىڭ بىرنەشە تىلىندە جارىق كورگەن كىتاپتارى قويىلدى. ەسكە سالا كەتەيىك، ەلباسى كىتاپحاناسىنىڭ «ن. نازاربايەۆ: ءداۋىر، تۇلعا، قوعام» كوشپەلى جوباسى ق ر تۇڭعىش پرەزيدەنتى كۇنى جانە تاۋەلسىزدىك كۇنى مەرەكەسى قارساڭىندا الماتىدا كوشپەلى قور كورمەسىمەن اشىلعان بولاتىن.
وندا ق ر پرەزيدەنتى نۇرسۇلتان نازاربايەۆتىڭ جەكە ارحيۆى، جەكە كىتاپحاناسى جانە مۋزەي قورىنىڭ جادىگەرلەرى قويىلعان. كورمە ق ر ورتالىق مەملەكەتتىك مۇراجايىندا 2018-جىلدىڭ 14- قاڭتارىنا دەيىن اشىق بولادى.
سونىمەن قاتار، اتالعان جوبا اياسىندا 10-16- قاراشا كۇندەرى حالىقارالىق عىلىمي-تاجىريبەلىك كونفەرەنتسيالار، سەمينار-ترەنينگتەر وتكىزىلدى.
اۆتور: الماس مۇقاش ۇلى
