قىتايدا بۋددانىڭ سۇيەگى تابىلدى

 ونى مىڭداعان جىل بۇرىن لۋنسين موناستىرىنىڭ موناحتارى جيناعان دەگەن بولجام جاساپ وتىر. بۇل تۋرالى ScienceAlert جازدى.

موناستىرعا تيەسىلى ماندجۋشري حرامىنىڭ يۋنجيان جانە چجيمين ەسىمدى موناحتارى كريستالعا ۇقساس ەكى مىڭنان استام جادىگەر تاپتى. ولار بۋددا مەن باسقا دا اۋليە ادامداردىڭ سۇيەگىن ورتەگەننەن كەيىن قالعان. موناحتار ونى قوراپقا سالىپ، حرامداعى گاۋتامانىڭ ساقتالعان تىستەرى مەن سۇيەگىنىڭ قاسىنا كومگەن. بۇلاردى جينجوۋ  قالاسىندا جول جوندەپ جورگەن ادامدار جەردىڭ استىنان تاۋىپ العان.

سودان كەيىن زەرتتەۋشىلەر بۇل جەرگە قازبا جۇمىستارىن جۇرگىزىپ، بيىكتىگى ەكى مەتر بولاتىن 260 ءمۇسىن تاپتى. ءبىراق ماماندار ولاردى بۋددانىڭ سۇيەگىمەن بىرگە جەرلەندى مە، جوق پا، بىلمەيدى. بۇدان باسقا، ەسكى موناحتار قوراپقا ساقتاپ، قالدىرىپ كەتكەن جازبالار گاۋتامانىڭ مۇردەسى دەگەنىمەن، ارحەولوگتار وعان تيەسىلى ەكەندىگىنە سەنىمدى ەمەس.

2016 -جىلى دا قىتايلىق ارحەولوگتار ادامنىڭ باس سۇيەگىن تاۋىپ العان ەدى. ول دا بۋددانىكى بولۋى مۇمكىن. ول سۇيەك التىن قوبديشانىڭ ىشىنە، ال التىن قوبديشانىڭ ءوزى كۇمىس قوبديشاعا سالىنىپ ساقتالعان ەدى. ول نانكيندەگى (قىتايدىڭ شىعىس بولىگى) حرامدا ورنالاسقان تابىتتىڭ ىشىنەن شىققان.

ايتا كەتەيىك، سيددحارتحا گاۋتااما (بۋددا) بۋدديزمنىڭ نەگىزىن قالاۋشى. ول شامامەن 2,5  مىڭ جىل بۇرىن ءۇندىستاندا ءومىر سۇرگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى