بەكبولات تىلەۋحان باس پروكۋروردىڭ شەشەندىگىنە باعا بەردى

اسانوۆتىڭ بايانداماسىنا سۇيسىنگەن ءماجىلىس دەپۋتاتى بەكبولات تىلەۋحان ونىڭ شەشەندىگىنە ءتانتى بولعانىن جازدى، دەپ حابارلايدى Baq.kz اقپارات اگەنتتىگى.

بۇل تۋرالى بەكبولات تىلەۋحان ءوزىنىڭ الەۋمەتتىك جەلىدەگى پاراقشاسىندا جازعان.

«شەشەندىك قۇر ادەمى سويلەۋ دەپ ءبىلۋ تۇبەگەيلى قاتە! ولاي بولسا، اسابادان شەشەن ەشكىم جوق. شەشەندىك - ويىڭدى انىق، ۇعىنىقتى، اسەرلى جەتكىزۋ. مىسالىڭنىڭ دىتتەگەنىڭە قىزمەت ەتۋى. ايتارىڭدى ايقىن، ەگجەي- تەگجەيلى ءبىلۋىڭ» - دەيدى دەپۋتات جالپى شەشەندىك ۇعىمىنا انىقتاما بەرىپ.

سودان كەيىن ول ەلىمىزدىڭ باس پروكۋرورىنىڭ وسى ايتىلعان تالاپتارعا ساي ەكەنىن جەتكىزگەن.

«ەندەشە، ق ر باس پروكۋرورى ناعىز شەشەن. مەنىڭشە، ەڭ شەشەن قىزمەتكەر! امبە ەكى تىلگە بىردەي. (كوبىمىزگە ارمان وتە قىزىعارلىق قابىلەت) وعان ۆەدوموستۆولىق مۇددەدەن مەملەكەت مۇددەسىن جوعارى قويا بىلەتىن ازاماتتىعىن قوسساڭ ءجۇدا جادىراماقپىز. وسى جەردە ابدەن جاۋىر بولعاندا دا تاپتالىپ، سۇيكىمى ازايعان مىنا ءسوزدى قولدانۋعا ءماجبۇرمىن. «وسىنداي ازاماتتار كوپ بولسا ەكەن!»  ەشكىمگە كولەڭكەسى تۇسە قويمايتىن ءوز باعام، ءوز ويىم» - دەپ جازادى دەپۋتات.

جالپى جاقىپ اسانوۆتىڭ ىسكەرلىگى مەن مەملەكەتشىلدىگى، وتانشىلدىعى ب ا ق وكىلدەرى اراسىندا دا جوعارى باعالانادى. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى