سيريادان شىعارىلعان قازاقستاندىقتار تاياۋ كۇندەرى ەلگە جەتكىزىلەدى

بۇل تۋرالى ق ر سىرتقى ىستەر مينيسترلىگى باسپا ءسوز قىزمەتىنىڭ جەتەكشىسى ءانۋار جايناقوۆ ءمالىم ەتتى، دەپ حابارلايدى قازاقپارات.

«وزدەرىڭىزدە بىلەتىندەي، كەشە شەشەن رەسپۋبليكاسىنىڭ استاناسى گروزنىي قالاسىنا سيريادا جانجال بولىپ جاتقان ايماقتان قۇتقارىلعان ءبىر توپ ادام جەتكىزىلدى. ولاردىڭ اراسىندا قازاقستان ازاماتتارى دا بولدى. ول 1988-جىلى دۇنيەگە كەلگەن ورال قالاسىنىڭ تۇرعىنى مەن ونىڭ كامەلەتتىك جاسقا تولماعان 4 بالاسى. ولاردى گروزنىي اۋەجايىندا قازاقستاننىڭ رەسەيدەگى ەلشىلىگىنىڭ قىزمەتكەرلەرى كۇتىپ الدى. جاقىن ارادا ولار قازاقستانعا جەتكىزىلەتىن بولادى»، - دەدى ول.

وسى رەتتە ءانۋار جايناقوۆ ق ر سىرتقى ىستەر مينيسترلىگى وتانداستارىمىزدى سيريادان قاۋىپسىز جەرگە شىعارعانى ءۇشىن رەسەيلىك تاراپقا جانە شەشەن رەسپۋبليكاسىنىڭ باسشىلىعىنا شىنايى ريزاشىلىق بىلدىرەتىندىگىن اتاپ ءوتتى.

«بالالاردىڭ ەڭ كىشكەنتايى وسى جىلى دۇنيەگە كەلگەن، بىرنەشە ايلىق قانا. ال ەڭ ۇلكەنى 2012-جىلى تۋعان. بالالار قازاقستان ازاماتى، اتى-جوندەرى جاريالانبايدى»، - دەدى س ءى م باسپا ءسوز قىزمەتىنىڭ جەتەكشىسى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى