ەڭبەك ءمينيسترى قاراعاندىدا ەكونوميست بولىپ جۇمىسقا ورنالاسپاق بولدى

ۆەدومستۆو باسشىسىن ۇيىمنىڭ الەۋمەتتىك جۇيەدەگى جاڭاشىلدىقتارعا دايارلىعى قىزىقتىردى. مينيستر جەكە سىناق جۇرگىزىپ، بوس ۆاكانسياعا ەكونوميست بولىپ جۇمىسقا ورنالاسپاق بولدى، دەپ حابارلايدى قازاقپارات.

قازاقستاندا الەۋمەتتىك مەكەنجاي كومەگىنىڭ (ا م ك) جاڭا ۇلگىسى ەنگىزىلۋدە. بۇگىنگى تاڭدا ۇكىمەت حالىقتى جۇمىسپەن قامتۋ ورتالىقتارىن رەفورمالاۋدى باستادى جانە بارلىق حالىق شوعىرلانعان بولىمشەلەر بويىنشا ءبىرىڭعاي بوس جۇمىس ورىندارىنىڭ ونلاين- پلاتفورماسىن قۇردى.

كەلەسى جىلدان باستاپ ادامدار جاردەماقى مەن باسقا دا الەۋمەتتىك كومەكتەردى الۋ ءۇشىن حالىقتى جۇمىسپەن قامتۋ ورتالىقتارىنا باراتىن بولادى. بۇگىن ول ءۇشىن ءتورت جەرگە بارۋ كەرەك.

«ا م ك تەك قانا اقشالاي تولەم ەمەس، ول كەدەيلىك دەڭگەيدەن شىعۋدىڭ كەشەندى شاراسى»، - دەپ كەلتىردى تامارا دۇيسەنوۆانىڭ سوزدەرىن قاراعاندى وبلىسى اكىمدىگىنىڭ باسپا ءسوز قىزمەتى.

جاڭاشىلدىقتى ەنگىزۋ ارقىلى حالىقتى جۇمىسپەن قامتۋ ورتالىقتارى قولايلى بولۋلارى ءتيىس.

 «مەن دايىندىق دەڭگەيىن تەكسەرىپ كوردىم. جالپى العاندا كومانداعى قاتىستى، قىزمەتكەرلەردىڭ قۇزىرەتىنە بايلانىستى كۇمان جوق»، - دەدى مينيستر.

الايدا ەڭبەك ءمينيسترى قاراعاندى اكىمى نۇرلان اۋباكىروۆكە حالىقتى جۇمىسپەن قامتۋ ورتالىعىنىڭ 4- قاباتتا ورنالاسۋىنا قاتىستى ەسكەرتۋ ايتتى. بۇل مۇمكىندىگى شەكتەۋلى جانە قارت ادامدارعا قيىندىقتار تۋعىزادى. تامارا دۇيسەنوۆا ورتالىقتى ءبىرىنشى قاباتقا اۋىستىرۋ تۋرالى ءوتىنىش ءبىلدىردى. قالا اكىمى مەكەمەگە جاڭا عيمارات بەرىلەتىنىن جەتكىزدى.

جۋرناليستەرگە بەرگەن سۇحباتىندا تامارا دۇيسەنوۆا ءوز سىناعى جايلى ايتىپ بەردى.

«ماعان ەكونوميست ماماندىعى بويىنشا جۇمىس كەرەك ەكەنىن ايتتىم. وسى ماماندىق بويىنشا 20-عا جۋىق بوس جۇمىس ورىندارىن كورسەتتى، الايدا ولاردىڭ بارلىعى مەملەكەتتىك كاسىپورىنداردا. ادامداردى جەكە قۇرىلىمدار قىزىقتىراتىنى تۇسىنىكتى، سەبەبى ول جەردە جالاقى كوبىرەك. ءبىز قازىر ەلەكتروندىق جۇمىس بيرجاسىن شىعاردىق. بىزگە بيزنەسپەن كوبىرەك جۇمىس جاساۋ كەرەك»، - دەدى مينيستر.

جۇمىس ساپارىنىڭ سوڭىندا ەڭبەك ءمينيسترى قالا جانە اۋدان اكىمدەرىمەن جانە ولاردىڭ حالىقتى الەۋمەتتىك قورعاۋ ماسەلەلەرى بويىنشا ورىنباسارلارىمەن كەڭەس وتكىزدى.

قاراعاندىنىڭ حالىقتى جۇمىسپەن قامتۋ ورتالىعىنىڭ مالىمەتىنشە، وبلىس ورتالىعىندا بۇگىندە 500 دەن استام ۇيىم مەن كاسىپورىن ۇسىنىپ وتىرعان 3 مىڭعا جۋىق بوس جۇمىس ورىندارى تىركەلگەن. قاراعاندىلىقتاردىڭ ۆاكانسيالاردى ورىندارىن WhatsApp قوسىمشاسى ارقىلى كورۋ مۇمكىندىگى بار. ورتالىق اقپاراتىنشا، جىل باسىنان بەرى اتالمىش قىزمەت ءتۇرىن 4 مىڭنان استام ادام قولدانىپ، ولاردىڭ 700 دەن استامى جۇمىس تاپتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى