كوكشەتاۋدا سۋديانى ولتىرگەن قىلمىسكەر ءومىر بويىنا باس بوستاندىعىنان ايىرىلدى

ەسكە سالا كەتەيىك، بيىل 12- ماۋسىمدا اقمولا وبلىستىق سوتىنىڭ قىلمىستىق ىستەر جونىندەگى القاسىنىڭ ءتورايىمى جاننا بەردىعۇلوۆا ءوز ۇيىندە ولتىرىلگەن بولاتىن. 46 جاستاعى سۋديانىڭ دەنەسى جۋىناتىن بولمەدەن تابىلدى. كەيىن پوليتسيا قىلمىستى جاسادى دەگەن كۇدىكپەن بۇرىن سوتتى بولعان 33 جاستاعى جيھاز جاساۋشى جىگىتتى ۇستاعان ەدى.

بۇگىن اقمولا وبلىستىق مامانداندىرىلعان اۋدانارالىق سوتىندا بۇل ءىستىڭ سوڭعى نۇكتەسى قويىلدى. ق ر ق ك- ءنىڭ 99، 188 جانە 384 باپتارى بويىنشا ايىپتالعان كۇدىكتى مەدەت ابدراحمانوۆتى سوت كىنالى دەپ تانىپ، ءومىر بويىنا باس بوستاندىعىنان ايىرۋ جازاسىن تاعايىندادى. وعان قوسا، سوتتالۋشىنىڭ زارداپ شەككەن تاراپقا مورالدىق جانە ماتەريالدىق شىعىننىڭ ورنىن تولتىرۋ ءۇشىن 10 ميلليوننان استام تەڭگە وتەماقى تولەيتىنى تۋرالى شەشىم شىعاردى.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى