قىتاي قازاقستانسىز «ءبىر بەلدەۋ-ءبىر جول» باستاماسىن جۇزەگە اسىرۋ مۇمكىن ەمەس - قاسىم-جومارت توقايەۆ

بۇنداي پىكىردى استانا كلۋبىنىڭ ءۇشىنشى وتىرىسى اياسىنداعى پانەلدىك سەسسيا جۇمىسىندا ق ر سەناتىنىڭ ءتوراعاسى قاسىم-جومارت توقايەۆ ءمالىم ەتتى، دەپ حابارلايدى قازاقپارات.

«مەنىڭ ويىمشا، قىتايدىڭ «بىر بەلدەۋ-ءبىر جول» باستاماسى ماڭىزدى ءرول اتقارادى جانە ءبىزدىڭ ستراتەگيادا ماڭىزدى ورىنعا يە بولماق. ءبىرىنشى كەزەكتە، بۇل ۇزاق مەرزىمگە نەگىزدەلگەن ۇيلەستىرىلگەن ستراتەگيا. بۇل ستراتەگيانىڭ الەمنىڭ وسى بولىگىندە قازاقستاننىڭ ءتيىستى دەڭگەيدە قاتىسۋىنسىز جۇزەگە اسۋى ەكىتالاي. «ءبىر بەلدەۋ-ءبىر جول» باستاماسىنا لايىقتى دەڭگەيدە نازار اۋدارعان ءجون دەپ بىلەمىن»، - دەدى سەنات ءتوراعاسى.

ونىڭ پايىمىنشا، قىتايلىق باستاما - ول اۋقىمدى ستراتەگيا. سوندىقتان بۇل باستاما تەك وسى وڭىردە عانا ەمەس، سونىمەن قاتار بارشا الەمدە ساياسي كۇشتەر مەن ەكونوميكالىق فاكتورلاردىڭ ءوزارا قاتىناسىن تولىقتاي ترانسفورماتسيالايدى.

«ارينە، ەۋروپا دا ماڭىزدى ويىنشى ەكەنى انىق. ءاردايىم قىتايدىڭ ستراتەگيالىق باستاماسىن تالقىلاۋ كەزىندە ءبىز ەۋروپانىڭ ماڭىزدىلىعىن اتاپ وتەمىز»، - دەپ تۇيىندەدى ءسوزىن ق. توقايەۆ.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى