قازاقستان پرەزيدەنتى الەمدە قارۋلانۋعا سۇرانىستىڭ ارتۋى سالدارىن ءتۇسىندىردى

مەملەكەت باسشىسى كوپتەگەن جىلداردان بەرى تاياۋ شىعىس پەن افريكادا اسكەري ءىس-قيمىلدار بەلسەندى كەزەڭدە قالىپ وتىرعانىن، اۋعانستانداعى، يراكتاعى، ۋكرايناداعى، تاۋلى قاراباقتاعى احۋال تولىق رەتتەلمەگەنىن ەسكە سالىپ ءوتتى.

«جاھاندىق شيەلەنىستىڭ ءوسۋى قارۋلانۋعا سۇرانىستى ارتتىرىپ وتىر. وتكەن جىلى كەزەكتى رەت اسكەري شىعىستار جوعارىلاي ءتۇستى جانە 1,7 تريلليون ا دوللارىن قۇرادى نەمەسە الەمدىك ءى ج و- ءنىڭ 2,2 پايىزى دەڭگەيىنە جەتتى. ا ق ش ءوزىنىڭ اسكەري قارجى شىعىستارىن 611 ميلليارد دوللارعا دەيىن، قىتاي - 215 ميللياردقا دەيىن، رەسەي - 69 ميللياردقا دەيىن، ءۇندىستان 56 ميلليارد دوللارعا دەيىن ۇلعايتتى. بۇل وسى ەلدەردىڭ بارشا ۇلتتىق كىرىسىنىڭ باسىم بولىگى. اسكەري قارجى شىعىستارىنىڭ ارتۋى - ول قاۋىپسىز الەمگە تونگەن قاتەر عانا ەمەس، سونىمەن قاتار جەردەگى دامۋ مەن بەرەكەنىڭ ناقتى قاجەتتىلىكتەرىنەن ەكونوميكالىق ءارى ادامي رەسۋرستاردى ءتيىمسىز تۇردە باسقا ماسەلەگە اۋدارۋدى بىلدىرەدى»، - دەپ ءتۇسىندىردى ن. نازاربايەۆ.

بۇدان بولەك ەلباسى بۇگىندە كورەي تۇبەگىندەگى جاعداي بارشا الەمدى الاڭداتىپ وتىرعانىن، بۇل تۇرعىدا زىمىرانعا قارسى قورعانىس، يادرولىق قارۋدى قىسقارتۋ ماسەلەلەرىندە ءىرى دەرجاۆالار اراسىندا كونسەنسۋس جوق ەكەنىن، بۇل قادامداردىڭ بارلىعى تۇرالاپ قالعانىن ءسوز ەتتى. وسى ورايدا ەلباسى قازاقستاندا الەمدى ءبىرىنشى بولىپ يادرولىق الەۋەتىنەن ءوز ەركىمەن باس تارتقانىن، يادرولىق قارۋسىزدانۋ قوزعالىسىنا بارىنشا ۇلەس قوسىپ جاتقانىن قاداپ ايتتى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى