قىتايدا ۇستالعان اقجارقىن تۇرلىبايدىڭ تاعدىرى جىل سوڭىندا شەشىلەدى
بۇل تۋرالى اقجارقىننىڭ قورعاۋشىسى سۇڭقار نۇرماعامبەتوۆ ءمالىم ەتتى.
«سوت پروتسەسى 2017-جىلدىڭ سوڭىنا دەيىن جالعاسۋى مۇمكىن. وسى ۋاقىتتا اقجارقىن تۇرلىبايعا ۇكىم شىعادى. سوت ۇكىمى اقجارقىن پايداسىنا بولادى دەپ ۇمىتتەنەمىز. ق ر س ءى م بىرىگە وتىرىپ اقجارقىننىڭ اناسىنا ۆيزا جاساۋ ماسەلەسىن شەشتىك. مينيسترلىكتىڭ ارقاسىندا اقجارقىننىڭ اناسى 1 جىل بويى قىتايعا كەدەرگىسىز كىرىپ شىعا الاتىن بولدى»، - دەدى سۇڭقار نۇرماعامبەتوۆ.
اقجارقىننىڭ قورعاۋشىسى مەن ق ر س ءى م قىتايدان قازاقستان ازاماتتارىن قايتارۋ تۋرالى حالىقارالىق كەلىسىمنىڭ تارماقتارىن پايدالانباق.
ايتا كەتۋ كەرەك، اقجارقىن تۇرلىباي 2014-جىلدىڭ ناۋرىزىندا گۋانجوۋ اۋەجايىندا ۇستالعان بولاتىن.
قىزدىڭ سومكەسىنەن 4,5 كەلى امفەتامين تابىلعان. اناسىنىڭ ايتۋىنشا، كيىم ساتىپ الۋعا كەتكەن اقجارقىنعا بىرەۋلەر ەسىرتكى سالىپ جىبەرگەن. 2016-جىلدىڭ 2- قاراشاسىنان باستاپ ق ح ر گۋاندۋن پروۆينتسياسىنىڭ سوتى اقجارقىن ءىسىن قايتا قاراپ جاتىر.
اۆتور: گۇلميرا عوسمانالي
