ق ر پرەزيدەنتى: سودىرلار باسقا اۋماقتاردا وشاقتارىن جانداندىرۋى مۇمكىن ەكەنىن تۇسىنگەن ابزال
«حالىقارالىق تەرروريزم اپاتتى اۋقىمعا جەتىپ وتىر. ول ءۇشىن شەكارا جوق. بۇگىندە جەر شارىنىڭ كەز كەلگەن نۇكتەسى بۇلدىرگى كۇشتىڭ نىسانى بولۋى ىقتيمال. ءۇشىنشى مىڭجىلدىق باستالعالى قازا بولعانداردىڭ سانى سەكىلدى تەراكتىلەردىڭ كولەمى ون ەسە ارتتى. 2016-جىلى تەراكتىلەر 104 ەلدە بولدى. بۇل ءوز كەزەگىندە الەمنىڭ جارتىسى دەپ ايتۋعا بولادى. گەوگرافياسى مەن اۋقىمى بويىنشا ءبىز شارتتى تۇردە ءۇشىنشى دۇنيەجۇزىلىك سوعىس جاعدايىندا تۇرعاندايمىز، ياعني تەررورعا قارسى سوعىسقا قاتىستى»، - دەدى ەلباسى.
وسى ورايدا پرەزيدەنت تەراكتىلەر دامۋشى ەلدەردەن دامىعان ەلدەرگە قاراي اۋىپ بارا جاتقانىن اتاپ ءوتتى.
لاڭكەستىكتىڭ جاھاندىق يندەكسى مالىمەتىنە قاراعاندا، تەرروريزم تۇرعىسىندا 2015-جىل ەكونوميكالىق ىنتىماقتاستىق جانە دامۋ ۇيىمى ەلدەرى ءۇشىن ەڭ قيىن جىل بولدى. شابۋىلدار سانى 731 گە جەتىپ، تەراكتىلەر ە ى د ۇ- نىڭ قۇرامىنداعى 34 ەلدىڭ اراسىندا 21 ىندە ورىن العان.
«قايشىلىقتارعا قاراماستان، الەمدىك وڭىرلىك دەرجاۆالار تاياۋ شىعىستا دايشپەن كۇرەستە ءىس-قيمىلدى ۇيلەستىرۋگە قاۋقارلى بولدى. الايدا تالقاندالعان سودىرلار باسقا اۋماقتاردا وشاقتارىن جانداندىرۋى مۇمكىن ەكەنىن تۇسىنگەن ابزال. بۇل ءوز كەزەگىندە بارشا ەۋرازيا ءۇشىن كۇردەلى سىن- قاتەر»، - دەپ تۇيىندەدى ءسوزىن نۇرسۇلتان نازاربايەۆ.
ايتا كەتەيىك، استانادا قازاقستان پرەزيدەنتى نۇرسۇلتان نازاربايەۆتىڭ قاتىسۋىمەن استانا كلۋبىنىڭ ءۇشىنشى وتىرىسى ءوتىپ جاتىر.
«فورۋمنىڭ جۇمىسىنا تۇركيانىڭ ەكس-پرەزدەنتى ابدوللا گۇل، چەحيانىڭ ەكس-پرەزيدەنتى ۆاتسلاۆ كلاۋس، سلوۆەنيانىڭ ەكس-پرەزيدەنتى دانيلو تيۋرك، سونداي-اق كورنەكتى قوعام جانە مەملەكەت قايراتكەرلەرى، الەمنىڭ جەتەكشى ساراپشىلارى، بەلگىلى ساياساتكەرلەر مەن ديپلوماتتار قاتىسۋدا.
اۆتور: رۋسلان عابباسوۆ
