عالىم دامىعان ەلدەردە بالالار كوبىنە نەدەن ولەتىنىن ايتتى
بۇل مالىمەتتى رەسەيلىك عالىم، بالالار گەماتولوگياسى، ونكولوگياسى جانە يممۋنولوگياسى زەرتتەۋ ورتالىعىنىڭ عىلىمي قىزمەتكەرى الەكساندر درۋي عىلىم كۇنىنە ارنالعان كونفەرەنسيادا كەلتىردى دەپ جازادى ريا نوۆوستي.
ونىڭ ايتۋىنشا، الەمدە ءۇش مينۋت سايىن ءبىر بالا راك اۋرۋىنا شالدىعادى. ولاردىڭ ءاربىر بەسىنشىسىنە مي ىسىگى دياگنوزى قويىلادى.
«ءبىز راك - ۇلكەندەردىڭ اۋرۋى، بالالار ونىمەن وتە سيرەك اۋىرادى دەپ ويلايمىز. ءبىراق مىنا سيفرلارعا قاراساڭىز، ونىڭ سونشالىق سيرەك پاتولوگيا ەمەس ەكەنىن كورەسىز» دەدى ەكسپەرت.
ول مي راگىنە شالدىققان بالالاردىڭ% 65 ى بەس جىلدان كوپ ءومىر سۇرەتىنىن ايتتى. ءبىراق جازىلىپ كەتكەندەردىڭ ءوزى كوپ جاعدايدا مۇگەدەك بولىپ قالادى.
«مەديتسيناعا قاتىستى ەمەس ادامدار مي راگى اۋرۋدىڭ ءبىر ءتۇرى دەپ ويلايدى. ولاي ەمەس. بۇل 120 دان اسا اۋرۋ، ولار قاتەرلى جانە قاتەرسىز بولۋى مۇمكىن. جانە ولار ءارتۇرلى ادىسپەن ەمدەلۋى ءتيىس» دەدى عالىم.
