قازاقستاننىڭ اۋە كەڭىستىگىن قانداي شەتەلدىك اۋە كومپانيالار پايدالانادى

بۇل تۋرالى ق ر ينۆەستيتسيالار جانە دامۋ مينيسترلىگى ازاماتتىق اۆياتسيا كوميتەتىنەن ءمالىم ەتتى، دەپ حابارلايدى قازاقپارات.

 «2017 -جىلدىڭ 9 ايىندا قازاقستاننىڭ اۋە كەڭىستىگىندە قىزمەت كورسەتىلگەن ۇشۋلار سانى 183877- ءنى قۇرادى. ونىڭ ىشىندە ورىندالعان ترانزيتتىك ۇشۋلار سانى 87688-گە جەتتى. بۇل 2016 -جىلدىڭ سايكەس كەزەڭىمەن سالىستىرعاندا 5,2 پايىزعا كوپ. قازاقستاننىڭ اۋە كەڭىستىگىندەگى ۇشۋلاردىڭ جالپى سانىنىڭ 50 پايىزدان استامى - ترانزيتتىك»، - دەلىنگەن كوميتەت تاراتقان اقپاراتتا.

 نەگىزگى ترانزيتتىك ۇشۋلاردى ەۋروپادان، رەسەيدەن وڭتۇستىك- شىعىس جانە ورتالىق ازيا ەلدەرىنە اۋە تاسىمالىن ورىندايتىن الىس شەتەلدەردىڭ جانە ت م د ەلدەرىنىڭ اۋە كومپانيالارى جۇزەگە اسىرادى. اۋە كومپانيالارى ترانزيتتىك ۇشۋلاردى ورىنداۋ بارىسىندا ءتۇرلى باعدارلاردى پايدالانادى. ماسەلەن، كروسسپوليارلى باعدار پارسى شىعاناعى ەلدەرى، ءۇندىستان جانە پاكىستاننىڭ ا ق ش، كانادا باعىتىندا ورىندالادى. ال باعدارلاردىڭ ترانس ازيالىق جەلىسى رەسەي، قازاقستان، وزبەكستان جانە تۇرىكمەنستان ارقىلى وتەدى. باعدارلاردىڭ وڭتۇستىك توبى قازاقستاننىڭ وڭتۇستىگىنە قاراي تۇركيا ارقىلى كاۆكاز ماڭى ەلدەرىنە، يران مەن تۇرىكمەنستانعا جاسالادى.

«قازاقستان ارقىلى وتەتىن باعدارلاردىڭ ترانس ازيالىق جەلىسى ۇلەسىنە ەۋروپا مەن ازيا اراسىنداعى ترانزيتتىك قوزعالىستاردىڭ شامامەن 30-40 پايىزى تيەسىلى. بۇل تاۋلىگىنە ورتاشا ەسەپپەن 300-350 اۋە كەمەسىن قۇرايدى»، - دەپ ناقتىلايدى كوميتەت.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى